Orucun faydaları elm araşdırmaçılarını təəccübləndirdi

Hər il alimlərin apardığı araşdırmalarda orucun faydaları ilə bağlı yeni məlumatlar ortaya çıxır. Uzunmüddətli orucun bədənə faydaları ilə bağlı dərc olunmuş araşdırma hətta elm dünyasını da təəccübləndirib.

“Ölkə.Az” xarici mediaya istinadən xəbər verir ki, elm adamlarının araşdırması nəticəsində aclıq zamanı insan orqanizminin müqavimətinin artması bəlli olub.

Elm adamları orucun bədənə faydalarını araşdırması nəticəsində ortaya çox maraqlı bir nəticə çıxıb. 

Hər 8 saatdan bir bağırsaqlar qidaları sistemli bir hərəkətlə əzirlər. Ferment prosesi zamanı tullantı qida maddələri bağırsaqlarda qalır. Bu, müxtəlif xəstəliklərə səbəb olur.

8 saat sonra yeni qida ilə qarşılaşan və təmizlənmədən yenidən fəaliyyət göstərən bağırsaqlar tullantıların artmasına səbəb olur.

Qəbizlik funksional pozğunluq səbəbindən inkişaf edir. Bunun qarşısını almaq üçün bağırsaqlar 8 saat ərzində qida qəbul etməməlidir. Buna görə də orucluq zamanı bağırsaqlar daha ətraflı təmizlənir.

Bağırsaqlar təmizləndikdə orqanizmdə yığılan toksinlər sürətlə xaric olur.

Bədən ac olduqda, yığılmış yağları enerjiyə çevirir. Bu onu sübut edir ki, oruc tutanda orqanizmə yağ yandırmağa imkan verir. Qandakı yağ dəyəri azalır. Qan axını normallaşır, bu da ürək sağlamlığına təsir göstərir.

Fransız alimi Pier Mulen orucun əhəmiyyəti və insan orqanizminə olan müsbət təsirləri barədə məlumat verərək bildirib ki, oruc bədənin dincəlməsinə, təzələnməsinə imkan yaradır. Belə ki, orqanların tekstural olaraq yeniləndiyi bu prosesdə immun sistemi iki dəfə güclənir. Bu, bədənin müqavimətinin artdığını göstərir. Yalnız oruc zamanı əzələ və sümük kütləsini qorumaqla bədən çəki itirə bilər. İftarda tərəvəz və zülal, sahurda zülal istehlak etmək, gündə bir saat gəzmək ən sağlam arıqlamağı təmin edir.

Mürtəza
Ölkə.Az