16 yaşında hamilə ikən diri-diri basdırdılar

Hondurasda şok olay

Ölkə.Az xəbər verir ki, Hondurasın La Entrada şəhərində Nensi Peyrez adlı 16 yaşlı hamilə qadın diri ikən basıdırılıb.

Onun sağ olduğu isə dəfn mərasimindən sonra məlum olub. Nensi təzəcə ailə qurub və hamiləliyin 3-cü ayında olub. Bir gün o, tualetə getmək üçün həyətə düşüb. Bir az sonra Nensi valideynləri tərəfindən yerdə ağzı köpüklü, uzanmış halda tapılıb.

Valideynlər qızlarının cin tərəfindən hücuma məruz qaldığını zənn ediblər. Buna görə onlar eksorsizm ayininin keçirilməsi üçün kahini dəvət ediblər. Lakin heç nə kömək etməyib və həkimlər onun öldüyünü bildiriblər.

Tezliklə Nensini gəlinlikdə betonda basdırıblar. Növbəti gün arvadını anmaq üçün qəbiristanlığa gələn kişi səslər eşidib. O, təcili hər kəsi çağıraraq beton tikilini sökdürüb. Lakin artıq gec olub. Gənc qadının meyiti isti idi, əlləri isə göyərmişdi. Bu isə onun diri ikən basıdırıldığını isbat edib.

Nensi ikinci dəfə torpağa tapşırılıb.

Həkimlərin fikrincə, Nensi güclü qorxudan katapleksiya yaşayıb. Buna görə o, bədəni üzərində nəzarəti itirib.

Ölkə.Az