"Instagram"dan növbəti möhtəşəm

"Instagram"da messenger yaranıb

Ölkə.Az xəbər verir ki, "Facebook"a məxsus olan "Instagram" sosial şəbəkəsində şəxsi və qrup yazışmalar üçün nəzərdə tutulmuş messenger təqdim olunub.

O, "Instagram Direct" servisinin inkişafı olaraq hazırlanıb. Əvvəllər "Instagram Direct" vasitəsilə başqa istifadəçiyə foto və mesaj atmaq olurdu. İndi isə "Direct V2"də danışıqlar adı messengerlərdəki kimi olacaq

Xatırladaq ki, məşhur “Instagram”da şəkillərin formatına dair yeniliklər əlavə olunmuşdu.

Sosial şəbəkədə kvadrat formalı fotoşəkillər və videoya əlavə olaraq 2 yeni format - portret və albom yaradılıb. Yerləşdirilən kadrların oxşar olması üçün “Instagram”ın profilində əvvəlki kimi kvadrat şəklində əks ediləcək. İstifadəçilərin xəbər lentində şəkillər və videolar yükləndiyi formatda görünəcək.

Qeyd edək ki, "Pew Research Center" şirkətinin yeni məlumatlarına əsasən, "Instagram" xidməti 1 il ərzində istifadəçiləri özünə daha çox cəlb edə bilib və bir il ərzində “Instagram”ın aktiv istifadəçilərinin sayı 10 faiz artıb.

Ölkə.Az