Rollarına görə rekord həddə arıqladı, "Titanik" Dikaprio ilə rəqabət yaratdı, pula görə aktyorluğa nifrət elədi
Çoxları Kristian Beyli dövrünün ən böyük aktyorlarından biri hesab edir, lakin onun haqqında bilmədiyiniz çox şey var.
Ölkə.Az "Betmen" obrazının mahir ifaçısı haqqında bir sıra maraqlı faktları təqdim edir.
Məşhur ingiltərəli aktyor 30 yanvar 1974-cü ildə Uelsin Pembrokşir şəhərində doğulub.
Ailəsi sirkdə işlədiyi üçün aktyorluq istedadı lap balacalıq dövründən onda olub.
İlk dəfə 10 yaşında səhnəyə çıxan Kris daha sonra "Anastasiya: Annanın sirri" filminə çəkilib.
Amma 13 yaşlı Kris Beyli dünya miqyasında tanıdan Stiven Spilberqin 1987-ci ildə çəkdiyi "Günəş imperiyası" ekran işi olub. II Dünya Müharibəsindən bəhs edən filmdə baş rol oynamaq üçün düz 4 min gənc aktyor arasından seçilib. Bu roluna görə o ABŞ Kinotənqidçiləri Milli Şurasının "Görkəmli gənc aktyor" mükafatına layiq görülüb.
Ailəsi ondan sırf pula görə aktyorluqla məşğul olmasını tələb edirdi. Bu işi "həbsxana" adlandıran Kris onları günahlandırırdı.
90-cı illərdə "Little Women" (Kiçik qadınlar") filmindəki rolundan sonra fanatları onun filmlərə çəkilməsi üçün studiyalara təzyiq göstərməyə başlamışdılar.
11 oskarlı "Titanik" filmində Cek Dauson rolu Kristian Beylə təklif olunmuşdu. Aktyor hətta film üçün sınaq çəkilişlərinə qatılsa da, sonradan rejissor Ceyms Kameron amerika filminə ingiltərəli aktyoru baş rola çəkmək istəməyib. Bundan sonra Leonardo Di Kaprio-Kristian Beyl rəqabətinin yarandığı deyilir.
"Amerikalı psixopat" filmində silsilə qətllər törədən Patrik Beytmen rolu üçün də Di Kaprio ilə Beyl arasında rəqabət yaranıb.
Rejissor Meri Harron baş rol üçün Kristian Beyllə razılaşmışdı. Amma baş rol ifaçısının Lenaordo Dikaprio olması ehtimalı var idi. Harron buna görə layihədən imtina etmişdi. Layihə onlar olmadan çəkiləcəkdi. Lakin Beyl bu rol üçün hələ də hazırlaşırdı. Harron Beylin hazırlaşmasına təəccüblənsə də, aktyor istədiyinə çatır.
Çoxları Krisin "Betmen: Başlanğıc" filmindəki rolunu çox bəyənsə də, o, obrazı layiqincə canlandırmadığını düşünür.
Filmin maraqlı məqamlarından biri də Beylin çəkilişlər zamanı yuxuya getməsi olub.
Belə ki, aktyor çəkildiyi səhnədə yuxuya gedib və tərəf müqabili Morqan Friman ayılmadığını görərək Beyli dürtməyə başlayıb.
Kris bir çoxlarından fərqli olaraq çəkildiyi filmlərdə təhlükəli səhnələri özü oynayıb.
Aktyor çəkildiyi "Qaranlıq Cəngavər" filminə baxmır, buna səbəb isə ekran işinin nümayişində silahlı hücum zamanı 12 nəfərin ölməsidir.
Beyl sənətinə görə, ən çox arıqlama və kökəlmə rekorduna sahibdir. Belə ki, aktyor "Maşinist" filmindəki obraz üçün 30 kilo arıqlayıb, "Betmen"ə görə isə 32 kilo kökəlib.
Bunun üçün o, bütün gün ərzində sadəcə bir alma və bir balıq konservi yeyirmiş. O, pəhrizini cilovlamaq üçün hətta siqaret çəkməyə başlayıb.
Beyl müxtəlif mükafatlara layiq görülüb. O, "Forbes"in 2014-cü ildə ən çox qazanan aktyorlar siyahısında yer alıb.
Daha ətraflı videoda:
Billurə Yunus
