Heç bir platforma icazə vermədi, tviter yayımladı - QALMAQAL

Amerikalı yazıçı Met Uolşun 2022-ci ildə işıq üzü görən, heç bir sosial və ya rəqəmsal platformada yayımlanmayan və senzuraya məruz qalan “Qadın nədir?” sənədli filmi İlon Maskın cəsarətli qərarı ilə tviterdə yayımlanıb. 

Ölkə.Az xarici KİV-ə istinadla xəbər verir ki, sənədli filmin yayımlandığı xəbər saytı “The Daily Wire” yayımın ildönümündə məzmunu tviterdə yayımlamağa qərar verib.

ABŞ-də işləyən və işləməyən qadınlara, kişilərə, cavanlara və qocalara, LGBT-lərə ünvanlanan “Qadın nədir?” sualına cavab tapılmayıb. Bu, qadın anlayışının məhv edildiyini göstərir.

Ekran işi yayıma hazır olduğundan bu günə kimi “YouTube”un məhdudiyyət siyasəti ilə üzləşib. Filmin tamamı “Netflix” kimi “YouTube”da da yayımlanmayıb.
 
Son günlərdə tviterdə “Qadın nədir?” ekran işi ön plana çıxıb. “The Daily Wire” xəbər saytının tviterin ildönümündə yayımladığı sənədli film müzakirələrə səbəb olub. Saytın baş direktoru Ceremi Borinq ekran işinin tviter tərəfindən senzuraya məruz qaldığını əsas gətirərək İlon Maska şikayət edib. Borinq istifadəçilərin məzmunu izləyə, paylaşa və ya başqa insanları etiketləyə bilmədiklərini bildirib. 

Amerikalı rejissor Robbi Starbuk İlon Maskı videoya girişin məhdudlaşdırılmasında iştirak edən hər kəsə qarşı tədbir görməyə çağırıb. 

İlon Mask hər bir valideynin bunu izləməli olduğunu söyləyib və məzmuna tətbiq edilən bütün senzura aradan qaldırılıb.

Maskın bu paylaşımı LGBT insanlar tərəfindən hədəf alınıb. Ailə birliyini qorumaq və uşaqlarına qarşı LGBT təbliğatının qarşısını almaq üçün qayğı göstərən yüz minlərlə insan tərəfindən isə dəstəklənib.

Günay