Bu ayaqqabılar sağlamlığınız üçün çox təhlükəlidir - FOTO

Britaniyalı ortoped Pol sağlamlığa zərər verən ayaqqabı modellərindən danışıb.

"Ölkə.az" xəbər verir ki, o, bu barədə fikirlərini TikTok-dakı səhifəsində paylaşıb. Həkimin sözlərinə görə, barmaqarası başmaqlar (vyetnamkalar) dırnaqların formasını deformasiya edir və onlarda gəzərkən büdrəmək və yıxılmaq asandır.

"Bundan başqa, ayaqlarınızı heç bir şəkildə dəstəkləmirlər. Stilettolar da zədə almaq riskini artırır", - deyən həkim belə bir ayaqqabı geyinən həmkarının bu yaxınlarda ayağının sınmasını misal çəkib.

Sonda ortoped sliponlara diqqət çəkib. Həkim belə bir modelin ayaq barmaqlarını sıxdığını və tez köhnəldiyini izah edib:

"Onlar çox yumşaqdırlar və buna görə gün ərzində özünüzü yaxşı hiss edə bilərsiniz, lakin sonra ayaqlarınız tez yorulmağa başlayacaq", - həkim vurğulayıb.

(Publika.az)