Yeni dinozavr növü kəşf edildi
İngiltərədə yerləşən Uayt adasında yeni dinozavr növü kəşf edilib.
Ölkə.Az “Hürriyet” qəzetinə istinadən xəbər verir ki, “Vectipelta Baretti” adlanan heyvanın qorxulu görünüşünə baxmayaraq, ot yeyən olduğu müəyyən edilib.
Araşdırmalar nəticəsində dinozavrın “Ankilozavriya” ailəsindən olduğu məlum olub.
Arxeoloqların gəldiyi qənaətə əsasən, sözügedən növ təxminən 66 milyon -145 milyon il öncə yaşayıb.
Yeni dinozavr növünün adı Londonda yerləşən Təbii Tarix Muzeyində 20 ildən artıq fəaliyyət göstərmiş professor Paul Barretin şərəfinə qoyulub.
Tanınmış professor açıqlamasında bu formada mükfatlandırılmaqdan duyduğu sevinc və ehtiram hisslərini bölüşüb.
Qeyd edək ki, Uayt adasında yeni aşkarlanan növə 1865-ci ildən bəri ilk dəfə rast gəlinib.
Məhəmməd Allahyarlı (təcrübəçi)
