"İlin stilisti" bu sənətçiləri zövqsüz adlandırdı

"Ən dəbli kişi sənətçilər kimi Zamiq Hüseynov, Samir Cavadzadə və Fərid Məmmədovun adını çəkə bilərəm"

Ölkə.Az xəbər verir ki, bu fikirləri tanınmış stilist, dəfələrlə “İlin stilisti” mükafatına layiq görülən sitilist və vizajist Anar Ağakişiyev "kishi.az" saytına müsahibəsində deyib.

O bildirib ki, Azərbaycanda ən zövqsüz kişi sənətçilər Aşıq Əli və müğənni Niyam Səlamidir.

"Azərbaycanda ən yaxşı stilistlərin top 3-lüyünü yaratsaq, həmin siyahıda dostluq elədiyim Nigar İbrahimovanın, vizajistlər arasında Ruxa və Nərmin İbrahimovanın adını çəkə bilərəm", - deyə Ağakişiyev qeyd edib.

Stilist Anar 21 iyul 1984-cü ildə Gürcüstannın Tiflis şəhərində anadan olub. O, uşaqlıqdan rəsm dərnəyində rəssamlığın sirrlərini öyrənməyə başlayıb. 1999-cu ildən saç ustası kimi fəaliyyətə başlayib. Bu illər ərzində make-up sənətinə də yiyələnib. Hər iki sahədə Moskvada xüsusi dərslər alıb. Almaniya, İspaniya və İtaliyada təkminləşdirmə kursları və seminarlarda iştirak edib.

Azərbaycanın Ruhi, Aygün Kazımova, Röya Ayxan, Nigar Camal və bir çox mügənnilərin imici üzərində çalışıb. Stilist Gürcüstanı 2011-ci ildə Eurovision Mahnı Müsabiqəsində təmsil edən Safo Nijaradze ilə də işləyib. 2012-ci ildə isə Anar Bakıda keçirilən Eurovision Mahnı Müsabiqəsinin core time grupunda müsabiqə iştirakçiları ilə çalışıb.

Anar Nikol Şerzinger, İrina Şeyk, Alsu kimi ulduzların stilisti olmuşdu. Bir çox müsabiqələrin qalibidir.

Ölkə.Az