Hər gün futbolçuların avtobusunu salamladı, xəyalı gərçək oldu - VİDEO

Türkiyədə fanatı olduğu “Samsunspor”un həvəskar komandasına məxsus avtobusunu hər gün salamlayan balaca azarkeşin arzusu gerçəkləşib. 

Ölkə.Az “Haber7com”a istinadla xəbər verir ki, komanda 8 yaşlı Çinar Özkana futbol topu hədiyyə edib.

Həmçinin Super Liqa təmsilçisi "Samsunspor" tərəfindən də balaca Çinara jest edilib. O, əsas heyətin məşqinə dəvət olunub. Futbolçularla foto çəkdirən Çinara qapıçı Yakup Szumski imzalı formasını hədiyyə edib.

“Bir neçə dəfə avtobusa əl sallasam da, məni görmürdülər. O zaman mən çox əsəbiləşirdim. Sonra məni görüb siqnal verdilər. Nəhayət, ötən gün salam verəndə dayanıb mənə top hədiyyə etdilər. Bu gün "Samsunspor" məşqinə gəldim. Qapıçılar və futbolçularla görüşdüm. Qapıçı mənə formasını hədiyyə etdi. Böyüyəndə Lev Yaşin kimi əfsanəvi qapıçı olmaq istəyirəm”.

Çinar futbolçu və qapıçılarla görüşdükdən sonra məşqi izləyib.

Bu hadisə sosial mediada gündəm olub və sözügedən video milyonlarla izlənilib.

Günay