Əkiz qədər bir-birinə bənzəyən türk və xarici məşhurlar

"İnsanlar cüt yaradılıb" sözünü yəqin ki, çoxlarınız eşitmisiniz.

Ölkə.Az xəbər verir ki, bu yazımızda sizə bir-birinə bənzərliyi ilə təəccüb doğuran bir sıra məşhurların adlarını təqdim edəcəyik.

Türkiyəli tanınmış aktyor Çağlar Ərtoğrul ABŞ aktyoru Ceykob Bencamin Cillenhola bənzərliyi ilə seçilir. Onun daha çox gənclik fotolarına baxanda çağlar Ərtoğrulla az fərqləri olduğunu demək mümkündür.

Türk əsilli supermodel, aparıcı və aktrisa Tülin Şahin də onunla eyni peşənin sahibi ABŞ-lı supermodel, aktrisa və teleaparıcı Sindi Kroufordun necə deyərlər "kopyası"dır.

Azərbaycan əsilli türkiyəli tanınmış model, aparıcı və aktrisa Çağla Şikelin də özü kimi model oxşarı var. Braziliyalı model Jizel Bündhenin gənclik vaxtları ilə Çağla Şikelin indiki halına baxanda onlar haqqında az qala "əkiz" demək olar.

Türkiyəli tanınmış aktrisa Büşra Develi isə ölkəsində fransalı aktrisa Jülyet Binoşun gənclik vaxtlarına çox bənzədilir.

Türkiyəli aktrisa və model Amina Gülşenin tatar əsilli rus supermodel İrina Şeyklə oxşar olduğunu düşünənlər az deyil.

Türkiyəli aktyor Arda Kuralın gənclik halları Hollivud ulduzu Leonardo Di Kapro ilə birəbir eynidir desək yanılmarıq.

"Survivor" yarışma proqramı ilə populyarlıq qazanan türkiyəli aktrisa Fatmagül Fakı və braziliyalı model Adriana Limanı hətta ilk baxışda fərqləndimək mümkün deyil.

Türkiyəli tanımış aktyor Kıvanç Tatlıtuğ əkizi qədər olmasa da, ingiltərəli aktyor və rejissor Cozef Morqana xeyli oxşayır.

Türkiyəli aktrisa Hafsanur Sancaktutanı ölkəsində Böyük Britaniya aktrisası Emma Vatsona bənzədənlər olsa da, bu fikirlə razılaşmayanlar da var.

Türkiyəli məşhur aktyor Engün Altan Düz yatanı isə avtraliyalı həmkarı Kris Hemsvorta oxşadanlar az deyil. Özü də avstraliyalı ulduza bənzədiyini düşən Engin Altan hətta bu günlərdə onunla foto da çəkdirib.

Və son olaraq Amerikalı model Emily Di Donato ilə türkiyəli ulduz müğənni Murat Bozun bacı-qardaş qədər bir-birlərinin eynisi olması insanları təəccübləndirir.