"Simpsonlar" serialının qəribə sirri: sən demə...
1989-cu ildən yayımlanan Amerika cizgi filmi “The Simpsons” tez-tez gələcəyi proqnozlaşdırdığı iddiaları ilə gündəmə gəlir.
Bəs “Simpsonlar” həqiqətən gələcəyi bilirlər? Yoxsa bütün bunlar təsadüfdürmü?
Ölkə.Az xəbər verir ki, “YouTube” kanalı “Chuppl” “The Simpsons” cizgi filminin sirrini açdığını iddia edir.
Kanalın hazırladığı “The Simpsons Conspiracy: How They Predict the Future” başlıqlı videoda serialın yazar qrupunun təhsil səviyyəsinə diqqət çəkilir.
“Əksər digər şoulardan fərqli olaraq Simpsonlar filminin yazıçı heyəti əsasən riyaziyyatdan sosial elmlərə qədər müxtəlif sahələrdə yüksək təlim keçmiş yazıçılardan ibarətdir. Bu səbəbdən onlar texnoloji inkişaflarla sıx bağlıdırlar və bir-birləri ilə böyük qarşılıqlı əlaqədə olurlar.
Serialın müəlliflərindən olan Devid Koen Harvard Universitetində fizika üzrə təhsil alıb.
Komanda həmçinin serialın verdiyi proqnozun gerçəkləşməsinin orta hesabla 13 il çəkdiyini deyib.
Bundan əlavə ən doğru proqnozların riyaziyyat diplomu olan yazıçıların verdiyi bildirilib.
Simpsonlar filminin ssenaristlərindən olan El Cin Trampın prezident olması və ya Braziliyanın Dünya Kubokunu qazanması kimi digər halların çoxunun savadlı təxminlər olduğunu deyib.
“Tramp 90-cı illərdə prezident olmağı düşünürdü. Həmçinin dünya çempionatında favoritlər həmişə dəyişə bilər.
Beləliklə, proqnozlaşdırdığımız şeylər, əslində, gerçəkləşdiyini görə biləcəyiniz şeylərdir”.
Cin bəzi proqnozların təsadüf olduğunu etiraf edir.
“Məsələn, 1997-ci ildə yayımlanan serialın bir hissəsində “COVID-19”a bənzər bir epidemik xəstəlikdən bəhs edilir. Bu, tamamilə təsadüfdür. Bu epizodda Çindən gələn qutuda virus daşıyan milçək var idi. Bu real həyatda baş verə biləcək bir şey deyil. Bu, sadəcə, komediya elementi kimi istifadə edilib”.
Qeyd edək ki, serialın proqnozlarına Donald Trampın prezidentliyi, at əti qalmaqalı, “Disney” və “Fox”un birləşməsi, sualtı fəlakətlər, ağıllı saatlar və "London Shard" kimi hadisələr daxildir.
Serialın bir bölümündə basketbolçu Kobe Brayantın helikopter qəzasında öldüyü görülüb. Bryant 5 il sonra helikopter qəzasında ölüb.
Günay
