Kenquru əti halaldır yoxsa haram?

Dünən Bakı sakini mağazaların birində tərkibində kenquru əti olan kolbasa satıldığı haqda redaksiyamıza məktub ünvanlamışdı.

Bu xəbər ictimaiyyət arasında birmənalı qarşılanmayıb və insanları düşündürən sual yaranıb: Kenquru əti halaldır, yoxsa haram?

Bu suala sələfi lideri Qamət Süleymanov Ölkə.az-da aydınlıq gətirib.

Qamət Süleymanov bildirib ki, Kequru əti halaldır. Kenquru ətinin dini baxımdan haram sayılası bir şeyi yoxdur:

"Kenquru ətini yemək olar. Bununla bağlı narahatçılığa ehtiyac yoxdur. Bizdə insanlar müəyyən heyvanların ətlərini yeməyə alışıbar. Bəzi heyvanların əti halal olsa da bizdə o ətə meyillilik yayılmayıb. Məsələn, at əti əslində halaldır. Müəyyən heyvanların, quşların ətlərini yemək ənənə halını alıb, ona görə də fərqli bir heyvan əti olanda suallar istər-istəməz hamımızı maraqlandırır. Baxmayaraq ki, ət halaldır, ancaq insanlarımız yeməyə çəkinirlər. Son olaraq bir də vurğulayım ki, kenquru əti haram deyil, halaldır".

Qeyd edək ki, bununla bağlı Ölkə.Az-a xəbər verən alıcı bildirib ki, mağazaya girərək "rosiskiy" kolbasa almaq istəyib. Onun üzərinə nəzər saldıqda isə kolbasanın tərkibində kenquru əti olduğu məlum olub.

Səxavət Məmməd

Ölkə.Az