Bakı Dövlət Sirkində ilk
Oktyabrın 31-də Bakı Dövlət Sirkində yeni mövsümün açılışı olacaq. Rusiya Federasiyasından dəvət olunmuş sirk ustalarının proqramı “Lasta-rika” adlanır və onlar şəhərimizdə ilk dəfə çıxış edəcəklər.
Mədəniyyət və Turizm Nazirliyindən verilən məlumata görə, sirk-şouda ilk dəfə olaraq pinqvinlərin attraksionu və qutanlarla nömrə nümayiş etdiriləcək. Proqrama, həmçinin hamı üçün maraqlı olacaq “dəniz şirlərinin teatrı”, atlar, meymun və tutuquşular, hava gimnastları, motosikl, kordabalet, şən kloun və digər nömrələr daxildir.
“Lasta-rika” sirk-şousu noyabrın sonlarınadək nümayiş etdiriləcək.
Biletləri sirkin kassalarından əldə etmək olar.
Ölkə.Az
