8 ilə hazırladı, bir səhvi xəyallarını puç etdi - "Ginnes"dən rədd cavabı - FOTO
Fransada bələdiyyə işçisi Riçard Plaud 8 il ərzində 700 000 kibritdən istifadə edərək Eyfel qülləsinin 7 metrlik maketini hazırlayıb. Lakin əsəri “Ginnesin Rekordlar Kitabı”na daxil edilməyib.
Ölkə.Az xarici KİV-ə istinadla xəbər verir ki, buna səbəb onun mağazalardan alına bilməyən markanın kibrit çöplərindən istifadə etməsi olub.
Təşkilat Plaudun istifadə etdiyi 706 900 kibritin kommersiya baxımından mövcud olmadığını və orijinal formalarından çox fərqli hazırlandığını bildirib.
47 yaşlı Plaud “Ginnesin Rekordlar Kitabı” rəsmilərinin modeli görmədən verdikləri qərarla onun bütün xəyallarını məhv etdiyini bildirib.
Belə ki, o, “Flam'Up” adlı fransız kibrit istehsalçısından başsız kibritlərlə dolu böyük qutular verməsini xahiş edib.
O, 2015-ci ildə başladığı layihəyə təxminən 4200 saat sərf edib.
Günay
