Həyatda uğur qazanmaq üçün lazım olan 5 xüsusiyyət

Qarşına qoyduğun hədəflərə rahatlıqla çatmaq istəyirsinizsə, işə bu yazını oxuyaraq başlaya bilərsiniz.

Uğura aparan yeganə yol olmasa da, gördüyün hər işdə uğuru daha əlçatan edəcək bəzi xüsusiyyətlər var. Bu xüsusiyyətləri qazanmaq üçün isə həyatında sadəcə kiçik dəyişikliklər etməyin kifayətdir.
 
O xüsusiyyətlərdən 5-ni sizlərə təqdim edirik.
 
İnkişaf yönümlü düşüncə tərzi

Əgər sən də öz üstündə işləyərək inkişaf edəcəyinə inanırsansa, deməli, artıq inkişaf yönümlü düşüncə tərzinə sahibsən. Bu xüsusiyyətini inkişaf etdirmək üçün isə əzmkarlığın və qətiyyətin vacibliyini başa düşüb, ona uyğun hərəkət etməlisən. Çətinliklə qarşılaşdıqda özünə olan inamını itirmək yerinə, həll yoluna fokuslanmağa çalış. Səhvlərinə isə təcrübə kimi yanaşaraq onlardan dərs çıxar. Unutma ki, hər uğursuzluq, inkişaf etdirməli yönlərini kəşf etməyin üçün əla bir fürsətdir.
 
Emosional intellekt

Təcrübələr sübut edir ki, emosional intellekti yüksək olan insanlar həyatlarının bütün aspektlərində daha asan qərarlar verir, daha tez qabağa gedirlər. Emosional intellekt stressi aradan qaldırmaq, effektiv ünsiyyət qurmaq, başqaları ilə empatiya qurmaq, çətinlikləri və münaqişəni aradan qaldırmaq üçün öz emosiyalarını müsbət yollarla anlamaq, istifadə və idarə etmək bacarığıdır. Emosional intellekt həm daha güclü əlaqələr qurmağa, həm də şəxsi məqsədlərinizə çatmağa kömək olur. Onun sayəsində düşüncələrini hərəkətə keçirərkən çətinlik çəkməyəcəksən.
 
Zehni dayanıqlılıq

Zehni dayanıqlıq dedikdə, manelər qarşısında ruhdan düşməməyi nəzərdə tuturuq. Bu gücə sahib olan insanlar qarşılaşdıqları çətinlikləri rahatlıqla fürsətə çevirə bilirlər. Əgər sən də onlardan biri olmaq istəyirsənsə, ilk olaraq özünə inamını artırmalısan. Mənfi cəhətlərinə deyil, müsbətlərə fokuslan və özünü inkişaf etdirməyin yollarını tap. Zaman keçdikcə emosiya və düşüncələrini daha rahat idarə etməyə, beləliklə, məhsuldar olmağa başlayacaqsan. Bu isə uğurun ilk xəbərçisidir.
 
Güclü iradə

Güclü iradəyə sahib insanların rahatlıqla istəklərinə çatdığı heç kimə sirr deyil. Özünü iradəli hesab etmirsənsə də, təəssüflənməyə dəyməz — çünki bu, inkişaf etdirilə bilən bir bacarıqdır. Bunun üçün ilk olaraq önünə kiçik hədəflər qoymalısan. Kiçik hədəflərə çatdıqca yaşayacağın məmnuniyyət hissi sənə böyük hədəflərə də çatmağın üçün motivasiya verəcək. Motivasiya isə güclü iradənin təməllərindən biridir.
 
Daxili motivasiya

Əlbəttə, pul, mükafat, tərif kimi xarici motivlər bizi həvəsləndirə bilir. Amma, təssüf ki, bunların təsiri qalıcı olmur. Əgər uzunmüddətli motivasiya axtarışındasansa, daxili motivasiyalar tapmalısan. Məsələn, işindən zövq almağın, gördüyün işləri mənalı hesab etməyin daxili motivasiya sayıla bilər. Onların təsiri daha qalıcı və effektiv olmaqla yanaşı, performansı da xeyli yüksəldir.

Unutma ki, öz nailiyyətlərini başqalarınınkı ilə müqayisə etməməlisən. Hər kəsin uğur anlayışı və həmin uğura çatma yolu fərqlidir. Önəmli olan isə daim şəxsi inkişaf etməyin və həyatdan zövq almağındır.