360 dərəcə dönən ev böyük maraq gördü - VİDEO

Yeni Zelandiyada 360 dərəcə fırlana bilən ev satışa çıxarılıb.

Ölkə.Az “The Guardian” qəzetinə istinadla xəbər verir ki, istəyə bağlı dəniz və ya meşə mənzərəsinə dönən evin dəyəri 1 milyon Yeni Zelandiya dollarından bir qədər çoxdur.  

Ev Oklendin sahilindəki Maraetai təpəsində iki metr enində silindrik polad baza üzərində tikilib.

"Mayak" adlanan bu ev öz növünün nadir nümunəsidir.

35 il əvvəl sahibi tərəfindən dizayn edilib və evin tam fırlanması 33 dəqiqə çəkir.

Belə ki, evin sahibi mühəndis Don Dunik sahildə olan ərazisinə hansı ev tikmək istədiyini düşünərkən həmkarları ona dənizə və meşəyə dönə bilən ev fikrini irəli sürüblər.

Su, elektrik və kanalizasiyanın evlə birlikdə hərəkət etməsinə imkan verən sistemin layihələndirilməsi beş il çəkib. Bu, tikintiyə icazə verməzdən əvvəl səlahiyyətlilərin tələb etdiyi bir sistem idi.

Don Dunik evə böyük maraq görüldüyünü bildirib. Həmçinin o, çox sevdiyi evini satmağın bir az acı olduğunu deyib.

80 yaşlı Dunik bu ilin sonunda Avstraliyadakı evindən Yeni Zelandiyaya qayıtmağı planlaşdırır. 

Günay