Motsartın məktubu bu qiymətə satıldı

Cəmi bir səhifəlik məktub satılıb

Ölkə.Az xəbər verir ki, əfsanəvi avstriyalı bəstəkar Volfqanq Amadey Motsartın məktubu hərracda satılıb.

Bostonun "RR Auction" hərracında satılan 1 səhifəlik məktubun son qiyməti 217 min ABŞ dolları olub.

Məlumata görə, sözügedən məktub Motsart tərəfindən 1786-cı ildə botanik Nikolaus Jakenə ünvanlanıb. Məktubda bəstəkar 3 partituranın qaytarılmasını xahiş edir.

Hərracın nümayəndələri alıcının adını açıqlamır.

Volfqanq Amadey Motsart bəstəkarlıqla yanaşı, eyni zamanda mahir skripkaçı, orqan ifaçısı və dirijor idi. Müasirlərinin dediyinə görə dahi bəstəkar qeyri-adi musiqi duyumu, eşitdiyi musiqiləri yadda saxlama və improvizə etmə kimi fenomenal qabiliyyətlərə malik olub.

Yaratdığı 600-dən çox əsəri simfonik, konsert, kamera, piano, xor kimi klassik musiqi janrlarının ən yüksək zirvələrində qərarlaşıb. Onun əsərləri dünyanın ən nüfuzlu orkestrlərinin konsert repertuarlarının ayrılmaz parçasını təşkil edir.

Tarixdə 100 ən çox öyrənilmiş şəxsiyyətlər siyahısına daxil edilib.

Rəşid Mustafazadə

Ölkə.Az