İnanılmaz kəşf: Mamontlar qayıdır

Harvard Universitetinin genetika alimi Corc Çörçün illərdir mamontları həyata qaytarmaq üçün araşdırma aparır. Mamontların boyu 4 metrə, çəkisi isə 6 tona qədər idi. Bu heyvanların nəsli kəsilməsi həddindən artıq ovlanma və iqlimin istiləşməsi səbəbindən baş verib.

"Ölkə.az" Publika.az-a istinadən xəbər verir ki, Harvard Universitetinin illərdir apardığı araşdırmada irəliləyiş əldə olunub və professor Corc Çörçün layihəsi haqqında yeni məlumatlar paylaşılıb.

Alim layihəsi ilə bağlı son inkişaf haqda məlumat verib: “Mamontların yenidən bizə qoşulması mümkündür. Bu araşdırmanın açıqlanması ilə keçmişdə yaşamış heyvanların elm sayəsində öz nəsillərini davam etdirə biləcəkləri mümkündür”.

Mamontlar indiyə qədər yaşamış ən böyük quru canlılarından idi. Harvard Universitetinin genetikçisi, əcdadları olan Asiya fillərindən alınan kök hüceyrələrindəki dəyişikliklər sayəsində mamontların nəslini canlandıra bildiklərini söyləyib.

Buz dövrünün sonunda mamontların nəsli kəsilsə də, onlar hələ də tarixdən əvvəlki dövrdən məlum olan ən məşhur heyvanlardan biridir. Ot yeyən mamontların tamamilə yox olması cəmi 3700 il əvvələ təsadüf edir.