“Vikipediya”nın Azərbaycan dili bölməsi güclənir: dərinlik göstəricisi 44-dən 45-ə qədər qalxıb - FOTO
Azərbaycan “Vikipediya” icmasının gərgin əməyi sayəsində “Vikipediya” virtual ensiklopediyasının Azərbaycan dili bölməsində dərinlik (keyfiyyət göstəricisi) 44-dən 45-ə yüksəlib.
Bu barədə “Vikipediya” üzrə mütəxəssis, diaspor üzrə araşdırmaçı-ekspert Elnur Eltürk bildirib.
“Dərinlik göstəricisinin artması onu təsdiqləyir ki, “Vikipediya”da məqalə yaradanların sayı artıb və xüsusilə, keyfiyyətli, məzmunlu məqalələrin yaradılmasına daha çox üstünlük verilir. Bu, həm də müxtəlif mövzular ətrafında məqalələrin yaradıldığını göstərir. Redaktəyə ehtiyacı olan məqalələr zənginləşdirilir. Bu günlərdə Azərbaycan dili bölməsində məqalələrin sayının 200 mini keçməsi faktı bunu bir daha təsdiqləyib”
Xatırladaq ki, ötən ilin dekabr ayı ərzində “Vikipediya”nın Azərbaycan dilində olan səhifələrinə 37 milyon dəfə baxış olub. Son bir il ərzində isə bu rəqəm 358 milyondur.
