77 milyon dollarlıq toy hədiyyəsi

Asiyanın ən varlı adamı, milyarder Mukeş Ambani oğlu Anantının qarşıdan gələn toyu ərəfəsində ekstravaqant toy hədiyyəsi olaraq cütlüyə Dubayda 77,3 milyon dollarlıq dəbdəbəli villa verib.

Ölkə.Az xəbər verir ki, təxminən 70 metrlik şəxsi çimərliyi olan bu 10 otaqlı malikanə əmirliyin ən bahalı evlərindən biridir. "Palm Jumeirah"da yerləşən malikanənin interyerlərində açıq işıqlandırma, qüsursuz sənət əsərləri və İtalyan mərmər döşəmələrinin olduğu bildirilir.

Qeyd edək ki, dəbdəbəli hədiyyə cütlüyün mayın 29-dan iyunun 1-dək kruiz gəmisində baş tutacaq ikinci toydan əvvəl verilib. 

Toy iyulun 12-də baş tutacaq və ilin ekstravaqant hadisələrindən biri olacağı gözlənilir.

Mürtəza
Ölkə.Az