Beynəlxalq xəbər buraxılışlarında yer alan maraqlı hadisələr

Euronews telekanalının 13 xarici dillər üzrə redaksiyası həftə ərzində beynəlxalq xəbər buraxılışlarında yer alan maraqlı hadisələr barədə xüsusi buraxılış hazırlayıb.

Ölkə.Az AZƏRTAC-a istinadən həmin xəbərlərdən bir neçəsini təqdim edir.

İtaliya: Varufakisə telemüsahibəyə görə verilən qonorar siyasətçiləri hiddətləndirib

İtaliya siyasətçiləri RAI (ictimai kanal) telekanalının 22 dəqiqəlik müsahibəyə görə Yunanıstanın sabiq maliyyə naziri Varufakisə qonorar qismində 24 min avro, yəni hər dəqiqə üçün min avrodan çox pul ödəməsinə hiddətlənib.

Əgər bu qonorara birinci sinfə aid aviasiya bileti də əlavə edilsə, İtaliya üçün görünməmiş məbləğ alınır.

Lakin italyanları dava çox bu müsahibəsindən əvvəl Varufakisin BBC telekanalındakı siyasi tok-şouya təmənnasız qatılması qəzəbləndirib. Həm də o, tok-şouya gəlmək üçün yalnız ekonom-sinif təyyarə biletinin pulunu ödəməyi xahiş edib.

Çili: səhralıq gül içində

Dünyada ən quraqlıq yer sayılan Atakama səhrası El-Ninyo fenomeni səbəbi ilə yağan güclü leysan yağışlarına görə çiçəklərlə örtülüb. Düz 400 il ərzində bu səhralığa nəzərəçarpacaq yağıntı düşməmişdi.

ABŞ: hərbi dirijabl zənciri qıraraq uçmağa başlayıb

ABŞ-ın Merilend ştatında yerləşən hərbi poliqonda raket əleyhinə radarlarla təchiz edilmiş müasir dirijabl bağlandığı zənciri qıraraq sərbəst uçuşa başlayıb.

Köməyə çağırılan iki F-16 qırıcısı dirijablı 300 kilometrdən artıq məsafə qət edərək Pensilvaniya ştatında yerə düşənə qədər izləyib.

Dirijablın Baltimor dairəsində yol boyu asılı qalan zənciri elektrik naqillərini zədələyib və 30 min nəfəri enerjisiz qoyub.

Almaniya: 50 berlinli üçün 50 səyahət

Almaniyanın paytaxtı Berlin şəhərində beynəlxalq turizm yarmarkasında 50 pulsuz səyahət üzrə lotereya uduşu keçirilib. Lakin lotereyada iştirak etmək üçün bəzi meyarlara cavab vermək lazım gəlib. Məsələn, Maldiv adalarına yalnız gənc ailələr, xizək sürmək üçün Avstriyaya bu idman növü barədə məqalənin müəllifi, Budapeştə isə 1989-cu ilin sentyabr-oktyabr aylarında Almaniya Demokratik Respublikasından Macarıstana qaçanlar gedə bilər.

Fransa: suitilər azadlığa buraxılıb

Fransanın şimalında yerləşən Kale şəhərində yüzlərlə tamaşaçının gözü qarşısında 5 suiti yenidən azadlığa qovuşub. Yetim qalmış suitilər bu ilin yay aylarında çimərliklərin birində aşkarlanıb. Hazırda altı aylıq Maks, Frederik, Kleman, Buzid və Erve sağlam və gümrah halda adi yaşayış mühitinə qayıdıb.

İtaliya: xadimə müasir incəsənəti başa düşməyib

İtaliyanın müasir incəsənət muzeyində işləyən xadimə yeni instolyasiyanın elementlərini səhvən zibil hesab edərək atıb. Yerə atılmış boş şampan şüşələrindən, rəngli kağız qırıntılarından və siqaret kötüklərindən ibarət instalyasiya “bu axşam rəqs üçün hara gedəcəyik” adlanır. Muzey rəhbərliyi instalyasiyanı qısa müddətdə bərpa etməyə söz verib.