İyulun 27-nə keçən gecə Yer kürəsində maqnit qasırğası başlayacaq

İyulun 27-nə keçən gecə Yer planetində maqnit qasırğası baş verəcək və bir neçə saat davam edəcək.

Bu barədə Günəş Astronomiyası Laboratoriyasının proqnozunda deyilir.

Qeyd olunur ki, maqnit qasırğası gecə yarısına yaxın başlayacaq. Üstəlik, olduqca zəif olacaq. İlkin olaraq onun səviyyəsinin G1-dən aşağı olacağı gözlənilir.

Səhər saat səkkizə yaxın vəziyyət xeyli yaxşılaşacaq. Maqnit qasırğasının səviyyəsi sürətlə azalmağa başlayacaq. Günün ortasına və axşama yaxın vəziyyət tamamilə sabitləşəcək.