"iPhone 16"nın görüntüləri yayıldı - FOTO

Ənənəvi olaraq, yayın ikinci yarısında yeni "iPhone" modelləri haqqında daha çox təfərrüat ortaya çıxır.

Ölkə.Az oxu.az-a istinadən bildirir ki, tanınmış texnologiya müşahidəçisi və insayder Sonni Dikson qarşıdan gələn "iPhone 16"nın maketlərinin fotolarını dərc edib.

Şəkildən gördüyünüz kimi, "Apple" smartfonlarının qarşıdan gələn seriyası kamera blokunun yeni dizaynı və yeni rəng çeşidi əldə edəcək.

Əgər maketlər aktual olarsa, "iPhone 16" və "iPhone 16 Plus" beş rəngdə olacaq: Ağ, qara, mavi, yaşıl və çəhrayı. Pro versiyalarına gəlincə, keçən ildə olduğu kimi, burada istifadəçiləri sürprizlər gözləyə bilər.

"iPhone 16"nın təqdimatı sentyabrın birinci yarısında gözlənilir.