Mətn ölçüsü:
  • 100%

Məhsulunuzu satmaq asanlaşacaq

Platforma 7 dildə fəaliyyət göstərəcək

Ölkə.Az xəbər verir ki, Azərbaycanda satıcı və müştərinin bir-birini tapmasına kömək edən platforma yaradılıb.

Yeni layihənin azərbaycanlı ortaqlarından olan Şahruz Həsənzadənin verdiyi məlumata görə, qlobal topdan və pərakəndə alqı-satqı platforması olan Businesset startap layihəsi artıq fəaliyyətə başlayıb.

"Bu platforma digər B2B saytlarından istər dizayn, istərsə də funksionallıq baxımından çox fərqlənir. "Businesset.com" arada vasitəçi olmadan alıcı və satıcıların rahatlıqla bir birini tapmasını təmin edir. Fəaliyyətə başladığı andan 100 min dollar investisiya alan layihə topdan və pərakəndə alqı-satqı ilə məşğul olan iş adamlarının və alıcıların gündəlik ehtiyaclarından və bu sahədə görmək istədiklərindən yaranan bir startapdır", - deyə Həsənzadə qeyd edib.

Onun sözlərinə görə, platforma 7 dildə fəaliyyət göstərəcək. Layihə əsasən keçmiş SSRİ və Şərqi Avropa ölkələrini hədəfləyib.

"Burada məqsəd keçmiş SSRİ dövlətlərinin qırılmış iqtisadi əlaqələrini bərpa etmək və onları bir platformada toplamaqdır", - deyə yeni layihənin azərbaycanlı ortağı məlumat verib.

Sayt ilə bağlı daha ətraflı məlumatı burada əldə edə bilərsiniz.

Rəşid Mustafazadə

Ölkə.Az