Yaxşı tətili harada keçirmək olar?
Hər bir insan ildə ən azı yaxşı bir yerdə tətil keçirsin, amma bu məsələdə müəyyən çətinliklərlə rastlaşır. Azərbaycan insanı üçünsə ölkədən kənarda ən yaxşı istirətə etmək və ya tətilini keçirmək üçün ən münasib ölkə qardaş Türkiyədir.
Çünki Türkiyə turizm sahəsi çoxşaxəli olmaqla yanaşı, yaxşı istirahət və mükəmməl səyahət vəd edir. Mükəmməl turizm marşurutları turistik yerlərin cazibəsini artırır. Turizm marşurutlarının daha rəngarəng və cazibəli olması üçün səyahət məsləhətləri vacibdir. Məhz səyahət məsləhətləri ilə Türkiyəni yenidən kəşf edə bilərsiniz. Türkiyə turizminin təklif etdiyi əsas səyahət ipucları var.
Muzey kartları
Türkiyənin zəngin tarixi və mədəni irsini kəşf etməyin ən yaxşı yolu onun muzeylərini ziyarət etməkdir. Ölkə üzrə 350-dən çox muzey və arxeoloji abidəyə girişi təmin edən sərfəli kart olan Muzey Kartı ilə hər məkanda ayrıca bilet alıb növbə gözləmədən ölkənin keçmişini araşdırmaq daha asandır. Ərazi sahəsinə, qiymətinə və etibarlılıq müddətinə görə müxtəlif növlərdə mövcud olan hər bir Muzey Kartı muzeyə və ya tarixi məkana ilk dəfə daxil olduqda aktivləşdirilir. Biletləri onlayn və ya muzey şəhərciyindəki kassalardan almaq olar və hər muzeydə bir dəfə istifadə mümkündür.
Qatarla səyahət
Türkiyədə bir çox qlobal və yerli avtomobil icarəsi xidmətləri mövcuddur ki, bu da ölkəni kəşf etmək istəyənlər üçün rahatlıq təklif edir. Bununla belə, ölkəni qatarla gəzmək əla təcrübədir. Sürətli qatarlarla səyahət etməklə gözoxşayan mənzərələrə şahidlik edə bilərsiniz. Bu sizin üçün olduqca romantik bir təsürrat yaradacaq. Türkiyənin dəmir yolu şəbəkəsi təbiət mənzərələri, tarix və mədəniyyətlə zəngin səyahətlər vəd edir. “Time” jurnalı tərəfindən “2024-cü ilin dünyanın ən möhtəşəm yerlərindən” biri kimi tanınan məşhur “Şərq Ekspresi’”, ən yeni “Mesopotamiya Ekspresi” və mənzərəli “Diyarbakır Ekspressi” kimi xüsusilə nostalji dəmir yolu turları səyahətlərinizi valehedici macəraya çevirəcək.
Ağıllı alış-veriş
İstanbulun Qapalı Çarşısı və Ədviyyat Çarşısı kimi tarixi bazarlara baş çəkərək ənənəvi alış-veriş təcrübəsini yaşaya və ya ölkə daxilindəki ticarət mərkəzlərində daha müasir bir alış-veriş atmosferini kəşf edə bilərsiniz. Üstəlik, alışlarınız Türkiyədə vergidən azad ola bilər. 8% vergi dərəcəsi olan məhsullar üçün 108 TL-dən yuxarı alışlar üçün və 18% vergi dərəcəsi ilə məhsullar üçün 118 TL-dən yuxarı alışlar üçün vergi geri qaytarıla bilər. Vergilərin geri qaytarılması haqqında daha ətraflı məlumat üçün GoTürkiye saytına daxil ola biləriniz.
İctimai nəqliyyatdan istifadə
Müasir nəqliyyat xidmətləri Türkiyənin təmin etdiyi ilk rahatlıqlar sırasındadır. Dünya üzrə birbaşa uçuşlar vasitəsilə ölkənin hava limanlarına çatmaq asandır. Siz gəldikdən sonra ölkənin bütün hava limanlarında mövcud olan taksi və ya avtobus xidmətləri Türkiyə şəhərlərinə rahat gediş-gəlişi təmin edir. İstənilən səyahətçinin ehtiyaclarına uyğun müxtəlif variantları təklif edən ictimai nəqliyyat mövcuddur. Etibarlı avtobus, tramvay, bərə və qatar şəbəkələri ilə yanaşı, metropollarda geniş metro (yeraltı) sistemləri şəhər ərazilərində naviqasiyanı asanlaşdırır. İctimai nəqliyyatdan istifadə etmək üçün yalnız bütün nəqliyyat vasitələrində keçərli səyahət bileti almalısınız. Daha sonra telefonunuzdakı xəritə proqramları ilə getmək istədiyiniz yerdən asılı olaraq avtobusdan, tramvaydan və ya metrodan hansı dayanacaqlarda enəcəyinizi öyrənə bilərsiniz.
Türkiyənin kulinariyası
Türkiyənin harasına getməyinizdən asılı olmayaraq, yerli yeməklərdən tutmuş küçə yeməklərinə qədər hər bölgədə türk mətbəxi sizə geniş çeşid təklif edir. Dünyaca məşhur kabab və dönər kimi klassik yeməklərlə yanaşı, bölgə mətbəxlərini də kəşf etməlisiniz. Hər bölgədnin bənzərsiz yeməklərini dadmaq sizə türk kulinariya ənənələrinin sevdirəcək. İlk olaraq, başqa yerdə rast gəlməyəcəyiniz tipik bir türk səhər yeməyi yeməlisiniz. Türk səhər yeməyinə isti çörək, pendirlər, zeytun, pomidor, xiyar, yumurta, bal və mürəbbə daxildir və ətirli türk çayı bu yeməyə ləzzət qatacaq. Bununla yanaşı, “esnaf lokantası”nda ən yaxşı yerli yeməkləri sınaya bilərsiniz, burada bufet menyusundan birini seçə və hər yemək üçün sabit qiymət ödəmək mümkündür. "Lokantalar" və digər restoranlar ölkə daxilində gecə saatlarına qədər açıq olur.
Qonaqpərvərlikdən həzz alın
Türk mədəniyyətinin ən diqqət çəkən xüsusiyyətlərindən biri də qonaqpərvərlikdir. Türkiyədə sizi mehribanlıqla qarşılayacaqlar. Hər hansı bir köməyə ehtiyacınız varsa, yerli əhalidən çəkinməyin. Yerli əhali turistlərə istiqamət vermək və ya nəqliyyat seçimlərində kömək etmək üçün əllərindən gələni etməsi qeyri-adi deyil. Sizinlə səmimi söhbət edərkən, hətta bir fincan çay da təklif edəcəklər. İngilis dili ölkədə ən çox danışılan xarici dil olduğundan, xüsusən də turistik məkanlarda çoxlu ingiliscə danışa bilən insanlara rast gələ bilərsiniz.
Mürtəza
Ölkə.Az
