"Instagram"da yenilik: Paylaşıla biləcək foto və ya videoların sayı artırıldı
"Instagram"a yeniləmə gəlib. Artıq istifadəçilər bir postda 20 foto və ya video paylaşa biləcəklər.
Bu barədə Oxu.Az "Haber Global"a istinadən bildirir.
Məlumata görə, "Instagram" istifadəçi təcrübəsini yaxşılaşdırmaq üçün daha bir addım atıb və bir postda paylaşıla bilən foto və ya videoların sayını 20-yə çatdırıb.
Əvvəllər bu limit 10 olaraq təyin edilmişdi, lakin platforma istifadəçilərin tələblərini nəzərə alaraq bu mühüm yeniliyə qərar verib.
Bu yeniləmə ilə "Instagram" istifadəçiləri hekayə və paylaşımlarında daha çox kontent təqdim etmək imkanı əldə edəcəklər. Bu yenilik xüsusilə foto seriyası, məhsul tanıtımları və ya səyahət gündəliklərini bir postda toplamaq istəyən istifadəçilər üçün böyük üstünlük olacaq.
