Sehrbazların fırıldaqları haqda

Yaşından, kimliyindən, sosial vəziyyətindən asılı olmayaraq hər kəsin marağına səbəb olan bir sənət sahibləri var: sehrbazlar. Onların göstərdiyi şouların arxasında hansısa bir hiylənin dayandığını anlasaq da, hər dəfə marağımızı gizlədə bilmirik.

Bir neçə məşhur nömrənin sirrini öyrənməklə artıq siz də bu sənət sahiblərinə meydan oxuya bilərsiniz.

Adamı ikiyə bölmək

Çox zaman sehirbazların final çıxışı olan bu nömrə izləyicilərin böyük marağına səbəb ola bilir. Şousunda qadını mişarla yarıya bölən sehrbaz izləyicilərin inamını bir az da artırmaq üçün kəsilmiş bədən hissələrini səhnədə gəzdirir. Bizi heyrətləndirən bu şouda sehrbazlar çox vaxt 2 nəfərdən istifadə edirlər. Belə ki, eyni geyimdə olan qadınlardan biri ayaqlarını, digəri isə bədənini qutuda gizlədir.

Kağıza süzülən mayenin yox olması

A-dan Z-yə bütün sehrbazların istifadə etdiyi nömrələrdən biri olan kağıza süzülən mayenin yox olması əslində çox sadə bir prosesdir. Burada nömrənin sirri qabdadır. Belə ki, bu kimi şoulara diqqət etsək, qabdakı mayenin hər zaman sadəcə yarısının kağıza süzüldüyünün şahidi olarıq. Şəkildə göründüyü kimi xüsusi hazırlanmış qabın kənar hissəsindəki maye açıq hissədən kağıza yox, qaba axır.

Qaşığı əzmək

Bu nömrəni etmək üçün sizə lazım olan əşyalar bir qaşıq və həmin rəngdə metal puldur. Əsas diqqət edilməli hal isə izləyicilərin şounuzu öndən izləməsidir. Əlinizdəki metal pulu hərəkət etdirərək izləyicilərdə qaşığı əymiş kimi bir təəssürat oyada bilərsiniz.

Havadan asılı qalan qadın

Sözügedən şou üçün çox zaman gözəl qadınların seçildiyinin şahidi ola bilərik. Bu qadınlar izləyicilər arasından seçilən sehrbazın tanımadığı insanlar da ola bilər, çünki nümayişin əsas sirri qadında yox, onun uzandığı lövhədədir. Növbə ilə lövhənin dəstəkləndiyi stullar və əşyalar qaldırıldıqdan sonra qadın havada asılı qalmış kimi görünür. Ancaq burada lövhəni dəstəkləyən əsas hissə rəngi sehrbazın şalvarından fərqlənməyən dirəkdir. Bunun üçün də sehrbazlar olduqları yerdən tərpənməməyə səy göstərirlər. Günümüzdə bu nömrə daha da inkişaf etsə də, hələ də bu üsula əl atanlar az deyil.

 

Şüşədən metal pul keçirmək

İzləyicilərin böyük marağına səbəb olan şüşədən metal pul keçirmə nömrəsi əslində çox sadədir. Maqnitdən istifadə etməklə bunun necə edildiyini videodan açıq şəkildə görə bilərsiniz.qafqazinfo

Ölkə.Az