Bu oyun kartı 612000 AZN-ə satıldı
Ölkə.az Yaponiyanın “Kyodo” agentliyinə istinadən xəbər verir ki, 1998-ci ildə satışa çıxarılan kartda cizgi filminin ən məşhur personajlarından olan "Pikachu" təsvir olunub.
Nyu Yorkda yerləşən “Sotheby's” hərrac evində 360 min dollara satılan kart cəmi 39 rəsmi nüsxədən biridir.
“Sotheby's” hərrac evindən bildirib ki, kartda əlavə olaraq, oyunu yaradanlardan biri olan Takumi Akabanenin imzası da yer alır.
Kartın satıcısı və yeni sahibinin kim olduğu barədə məlumat verilməyib.
Sözügedən 39 kart Yaponiyada yayımlanan "CoroCoro Comic" jurnalının təşkil etdiyi rəsm müsabiqəsinin qaliblərinə 1998-ci ildə paylanmışdı.
Kartlardan biri 2021-ci ildə 5 milyon 275 min dollara satılaraq "ən bahalı Pokemon kartı" kimi Ginnesin Dünya Rekordları kitabına düşmüşdü.
