Heç nə etməmək yarışı keçirildi, qalibə isə mükafat verilir - VİDEO
Həftəsonu Tokio və Honq Konqda 100-dən çox şəxs “space-out” yarışmasında iştirak etmək üçün toplaşıb.
Ölkə.Az “The independent”ə itinadla xəbər verir ki, yarışın mahiyyəti isə heç bir şey etməməkdir.
Bu yarış ilk dəfə 2014-cü ildə Cənubi Koreyanın Seul şəhərində keçirilib.
Daha sonra “space-out” müsabiqəsinin Pekin, Rotterdam, Taypey, Honq Konq və Tokio kimi müxtəlif şəhərlərdə də keçirilməsinə başlanılıb.
Yarışmanın şərti sadədir: İştirakçılar 90 dəqiqə boyunca hərəkət etmədən dayanmalıdırlar.
Bu zaman yuxuya getmək, danışmaq və ya yerini rahatlaşdırmaq üçün tərpənmək hərəkət sayılacaq.
İştirakçıların ürək döyüntüləri 15 dəqiqədən bir ölçülərək normada olub-olmaması yoxlanılır. İzləyicilər isə ən bəyəndikləri iştirakıya səs verirlər.
Qalibə isə tətil, təyyarə bileti kimi hədiyyələr verilir.
Qeyd edək ki, bu müsabiqənin yaradıcısı isə Cənubi Koreyalı vizual rəssam Vupsyanqdır. O, tükənmişlik sindromu yaşadıqdan sonra belə bir müsabiqə yaratmağa qərar verib:
"Heç nə etməmək mövzusunda niyə bu qədər narahat olduğumla maraqlanırdım. Əslində, bu insanlar da mənim kimi boşluğa baxaraq fikirləşmək və heç bir şey etmək istəməmiş ola bilər. Buna görə də birlikdə eyni yerdə eyni anda dayanmağın gözəl olacağı bir yarışma başlatdım".
Vupsyanq heab edir ki, Cənubu Koreyada çox insanın sıx rejimdə çalışdığı bir şəraitdə heç nə etməmək olduqca vacibdir.
“Heç nə etməməyin vaxt itkisi olduğunu düşünməyə meyilliyik. Ancaq həqiqətdə müasir insanlar üçün heç nə etmədən dayanmaq əslində gərəklidir" - o CNN-ə deyib.
Billurə
