Ölümü ilk hiss edən orqan

Elm adamları ölümlə qoxu arasındakı əlaqəni araşdırıblar.

Amerikanın Kolumbiya Universitetinin alimləri 65 yaşlı 1169 nəfərə təxminən 40 fərqli maddə qoxuladıb. Daha sonra iştirakçılardan qoxuladıqları şeylərin nə olduğunu qeyd etmələri istənilib. Təcrübədə iştirak edən şəxslərin səhhətləri və həyat tərzləri haqqında araşdırma aparılıb.

Ölkə.Az-ın  Aile.lent.az-a istinadən məlumatına görə, qoxuları ayırd etməkdə çətinlik çəkən 349 nəfərin səbəbi bilinməyən bir xəstəlikdən, ya da hansısa qəza nəticəsində 4 il ərzində öldüyü təsbit edilib.

Mütəxəssislər ölüm riskinin qoxu duyğusunun azalması ilə bağlı olduğunu qeyd edib.

Qoxu duyğusunun azalması diaqnoz edilməyən bir ağır xəstəliyinin göstəricisi hesab olunur. Bu xəstələr xarab olmuş iyli yeməyi rahatlıqla yeyir, qaz sızması zamanı qoxunu hiss etmədiklərindən asanlıqla zəhərlənə bilərlər.

Ölkə.Az