"Apple"ın ən nazik telefonu olan "iPhone 17 Slim" belə görünəcək

“Technizo Concept” “iPhone 17 Slim”in necə görünə biləcəyini göstərən konsept videosu yayımlayıb.

Ölkə.az Lent.az-a istinadən xəbər verir ki, “iPhone 17 Slim” (iPhone 17 Air) ilə bağlı çoxlu sual işarələri var. Telefonun adı, qiyməti və xüsusiyyətləri hələ dəqiq deyil.

Buna baxmayaraq, “Technizo Concept” tərəfindən hazırlanan konsept videosu “iPhone 17 Slim”in mümkün dizaynını ortaya qoyub.

Qəzaya düşən təyyarəni istehsal edənlər HADİSƏ YERİNDƏ
Qəzaya düşən təyyarədəki Qırğızıstan vətəndaşları sağ qalıb
Bu çağırışçılara 21 yaşınadək möhlət veriləcək
“iPhone 17 Slim” yalnız 5 mm qalınlığında ultra nazik dizayna sahib olacaq. Bu, onu bu günə qədər ən nazik “iPhone” modeli edəcək.

“iPhone 17 Slim” “Google Pixel” telefonlarına bənzər üfüqi şəkildə yerləşdirilmiş arxa kamera sırasına sahib olacaq.

“iPhone 17 Slim” 6,65 düymlük “OLED ProMotion” ekranına sahib olacaq. Dəyişən yeniləmə sürəti sayəsində ekran 1 Hz ilə 120 Hz arasında keçid edə biləcək.

“iPhone 17 Slim”in A19 Pro prosessoru, 8 GB RAM və Wi-Fi 8 dəstəyi kimi xüsusiyyətləri ilə gəlməsi gözlənilir.

Telefonun digər “iPhone 17” modelləri ilə birlikdə 2025-ci ilin sentyabrında təqdim ediləcəyi təxmin edilir.