Müdirdən maaş artımını necə istəyək?

Müdirdən maaş artımını necə istəyək? - Cümə ən yaxşı gündür

Yeni bir iş üçün müraciət etdikdə və ya maaş artımını istəməyə qərar verdiyiniz zaman, maaşınız barədə müdirinizlə söhbət etməlisiniz, lakin bir çoxumuz bu söhbətdən qaçırıq. Aparılan sorğuya görə, işçilərin yalnız 37%-i maaşlarını müdirləri ilə müzakirə edir və təəssüf ki, 18%-i heç vaxt buna cəhd etmir. Daha da pisi odur ki, işçilərin 44%-i heç vaxt öz performanslarını qiymətləndirmədikləri üçün artım tələb etmirlər.

İşçilərin maaş artımını istəməməsinin ən böyük səbəbi isə qorxudur. Bu tamamilə başa düşüləndir. Amma artımla bağlı danışıqların aparılmaması daha qorxuludur. Məşhur bir araşdırmaya görə, iş müsahibəsinə gedən qadınların yalnız 7% -i alacaqları maaşı işəgötürənlə müzakirə edir, bu nisbət kişilər üçün 57% -dir. İş müsahibəsi zamanı maaşları ilə bağlı müzakirə aparanların maaşı isə digərlərinə nisbətən ən azı 7% yüksəkdir.

Bu sizə kiçik bir nisbət kimi görünsə də, həyatınız üçün çox önəmli bir məsələdir: İş həyatınız boyunca maaşınızı müzakirə etmədiyinizi fərz etsək, təqaüdə çıxdıqdan sonra itkilərinizi bərpa etmək üçün daha 8 il işləməli olduğunuzu bilirdinizmi?

Beləliklə, istər ilk işiniz, istərsə də beşinci işiniz olsun, maaşla bağlı danışıqları öyrənməyin vaxtıdır. Bu yazıda növbəti görüşünüzə hazır olmaq üçün ekspertlərin məsləhətləri ilə sizə kömək etməyə çalışacağıq.

Ölkə.az Valyuta.az-a istinadən "maaş haqqında danışarkən bilməli olduqlarınız"ı təqdim edir.

Müsahibəyə hazırlıq zamanı aşağıdakə hallara diqqət etməlisiniz:

- Özünüzə dəyər verin - Fərqli işəgötürənlərlə danışın

- Fikirlərinizi toplayın

- Əməkhaqqı haqqında danışarkən həmin iş üçün müəyyənləşdirilən ən yüksək məbləğ haqqında danışın

- Ağlınızda dəqiq bir məbləğ müəyyənləşdirin

- Bu işə çox ehtiyacınız varmış kimi görünməyin

- Maaş artımı istəməyə hazır olduğunuza əmin olun

- Doğru zamanı müəyyənləşdirin

- Detallı “Linkedin” profili hazırlayın

- Unutmayın, praktika önəmlidir

Görüş sırasında isə bu nüanslara diqqət edin:

- Sakit və güclü görünməyə çalışın

- Qəhvə için

- İlk təəssüratlara diqqət yetirin

- Suallarla başlayın

- Nə edə biləcəyinizi bildirin

- Keçmişi buraxın, gələcəyə diqqət edin

- Vəziyyətə başqasının gözü ilə baxın

- Özünüzdən başqa insanlar haqqında düşünün

- Pozitiv olun, aqressiv olmayın

Qeyd edək ki, tədqiqatlar göstərir ki, cümə axşamı maaşlarının artırılması nisbəti daha yüksəkdir. “Psychology Today” tərəfindən dərc edilən hesabatda deyilir ki, insanlar həmin gün sərt rəftarları bir kənara qoyub, daha çevik və ahəngdar olur. Həftə sonu yaxınlaşdığı üçün cümə axşamı və cümə müsahibədə yaxşı nəticə əldə etmək üçün ən yaxşı günlərdir.