Tələbələr \"BDU ÜÇÜN OXU\"du

Bakı Dövlət Universitetinin tələbələri "BDU üçün oxu“ adlı maraqlı layihə həyata keçiriblər.

Ölkə.Az xəbər verir ki, layihə rəhbəri Rəşid Mustafazadənin sözlərinə görə, layihədə əsas məqsəd universitetin 100 illik yubileyi ilə bağlı yaradıcı hərəkatın başlamasıdır:

"Şüarımız məhz bununla bağlıdır - BDU üçün oxu. Çünki universitet cansız olsa da, bir varlıqdır, dəyərdir və tarixdir".

Layihənin həyata keçirilməsində tələbələrdən ibarət 25 iştirakçı və 5 yaradıcı heyət üzvünün əməyi var.

Universitetdə isə Tələbə Həmkarlar İttifaqı Komitəsinin (THİK) təşkilatçılığı ilə hazırlanan videoçarxın təqdimatı keçirilib.

Tədbirdə THİK sədri Daşqın Qənbərov, jurnalistika fakültəsi Tələbə Həmkarlar Təşkilatının sədri Azərpaşa Hüseynli, "BDU üçün oxu"nun yaradıcı heyəti, o cümlədən layihə rəhbəri Rəşid Mustafazadə, rejissor Kamil Əmirli, stilist Xanım Səfərova, iştirakçılar və digər tələbələr iştirak edib.

Sözügedən videoçarxı təqdim edirik:

Ölkə.Az