“Vikipediya”nın Azərbaycan dili bölməsində dərinlik artdı - 52-yə çatdı

“Vikipediya” platformasının Azərbaycan dili bölməsi hər keçən gün zənginləşir və bu da ana dilimizdə məlumatların əlçatanlığını təmin edir. Artıq Azərbaycan dili bölməsinə müraciət edənlərin sayı milyonları keçir. 
Bu günlərdə Azərbaycan “Vikipediya” İcmasının səmərəli fəaliyyəti nəticəsində “Vikipediya”da dərinlik (keyfiyyət) göstəricisi 51-dən 52-yə yüksəlib. Göstərici “vikipediya”da qrupların birgə fəaliyyətdən xəbər verir. Nəticə etibarilə Azərbaycan dilində olan məlumat bazası  zənginləşir və məqalələrin təkmilləşdirilməsi prosesi davam etdirilir.