İntihardan vaz keçərkən məşhur oldu

ABŞ-ın Nyu-York ştatında özünə qəsd etmək istəyən yeniyetmənin həyatını xilas etmiş sürücünün görüntüləri sosial şəbəkələrdə rekord sayda izlənilir.

Ölkə.Az publika.az-a istinadən xəbər verir ki, avtobus sürücülərindən birinin diqqətini özünü atmaq istəyən yeniyetmə cəlb edib. Sürücü avtobusu saxlayaraq uşağın yanına gedib.

Onunla mehribancasına söhbətləşərək yeniyetməni fikrindən döndərib.

Hadisə oktyabrda baş versə də, videogörüntülər sosial şəbəkələrə ötən ay yüklənib və milyonlarla insan avtobus sürücüsünün bu mərhəmətini alqışlayıb.

İzləyicilər avtobus sürücüsünün xeyirxahlığını – intihar etmək istəyən yeniyetmənin həyatını xilas etməsini təqdir ediblər. Bu maraqlı olayı Rusiya mediası da ictimailəşdirib.

Qeyd edək ki, hər il dünyada 1 milyona yaxın insan intihar edir. Onlardan 100 mini yeniyetmələrdir.

Ölkə.Az