Son 100 ildə seksi qadınlar belə dəyişdi

Mükəmməl bir bədənə sahib olmağı hamımız istəyirik. Bəs əsil mükəmməl bədən hansıdır, kim müəyyənləşdirir bunu?

100 il içində "mükəmməl vücud" anlayışının necə dəyişdiyini izləyək:

Hər gün müxtəlif arıqlama yollarına rast gəlirik. İdeal bədən ölçülərinə sahib olmaq arzusu hər an beynimizin içindədir. Nəticədə ciddi şəkildə rast gəldiyimiz pəhriz yollarına əməl etsək arzularımızın gərçəkləşməyi o qədər də çətin deyil.

Jurnallarda, TV-lərdə mükəmməl bədənə sahib birilərini gördükdə isə problemin bizdə olduğunu düşünməyə başlayırıq. Xəyal etdiyimiz insanlara qovuşmaq üçün, ətrafımızdakıları özümüzə heyran buraxmaq üçün və ya sadəcə özümüzü yaxşı hiss etmək üçün o vücuda sahib olmaqdan başqa şansımızın olmadığını düşünürük. Həm də mağazalarda ən bəyəndiyimiz paltarların sanki sırf eyni tip bədənlər üçün hazırlanması kimi...

"MÜKƏMMƏL VÜCUD" ANLAYIŞININ TARİXİ DƏYİŞİMİ

Bu mövzu əslində heç də yeni deyil. Qadın bədəni rəsm əsərlərinə düşdükdən sonra "Mükəmməl Vücud" anlayışı yaranmağa başladı. Son yüzilin başlanğıcından etibarən foto çəkilişlərin yayılmasıyla qadın bədəni populyarlaşaraq hər kəsin qarşısına bir mükəmməl bədən nümunəsi qoydu. Sırf bundan sonra qadınlar korsetlərə yerləşməyə, əməliyyat masalarına uzanmağa başladı..

1910-cu illərdə Amerikada Gibson Girl adı verilən korsetli, anormal formalı bədən tipinin əsas nümunəsi model Camille Clifford oldu. Ona oxşamaq istəyən yüzminlərlə qadın korset sahibinə çevrilərək daxili orqanlarını düşünmədən gözəllik yarışına girdilər.

Camille Clifford

    

 

1920-ci ilə qədər qadınlar nə əziyyətlər çəkdilərsə mükəmməl vücud anlayışı 180 dərəcə tərsinə döndü. Anormal forma və qopacaq qədər naziklikdə olan bel getdi, yerinə daha uyğun, hətta əvvəlkinə nisbətən daha düz sayılabiləcək ölçülər gəldi. Ombalar daraldı, sinə və bel ölçüləri normala döndü. Görünüşə dizüstü geyimlər isə cazibədarlıq qatırdı. Mary Pickford və Margaret Gorman o dövrün ulduz gözəlləri sayılırdı.

    

 

1930-cu il artıq normal görünüşlərin dövrü oldu. Daha çox təbiiliyə üstünlük verilirdi. Bu gün bildiyimiz "fit" anlayışı o illərdə əmələ gəldi. Daha çox gözə çarpan ombalar, təbii elastiklikdə bir bel və nisbətən kiçik ölçüdə, hətta düz sayılabiləcək sinə ölçüləri ideal hesab olunmağa başladı.

    

 

1940-cı illər bütün dünya üçün müharibə illəri sayılırdı. Buna görə də əsasən güclü duruşa malik bədənlər üzə çıxdı. Geniş çiyinlər, əzələli qollar və hündür boylar...

    

 

1950-ci illərdə müharibə bitdi və insanlarda sanki bir rahatlama baş verdi. Bunun təsiri qadın bədəninə təsirsiz ötüşmədi. Bədənlər inkişaf edərək qum saatı formasını almağa başladı.

    

 

1960-cı illərdə Swing daha çox dəbdəydi. Havada rahatca uça bilən, hərəkətli və kiçik ölçülü qadınlar daha çox sevilirdi. Məsumiyyət və gənclik daha çox ön plana çıxdı. Twiggy adlı yeniyetmə və çılğın model bütün qadınların idealına çevrilmişdi.

Twiggy

    

 

1970-ci illərdə klub dövrü başladı və qaraşın qadınlar daha çox diqqət çəkməyə başladı. Qaraşın qadınların görkəmli ölçüləri bir əvvəlki çılğınlığa tarazlıq gətirdi və daha uzun boylu, düz qarınlı modellər ortaya çıxdı. Farah Fawcett dövrün ən ideallarından sayılırdı. Beverley Johnson isə Vogue jurnalının üz qabığındakı ilk qaradərili model oldu.

Beverley Johnson

    

 

1980-ci illər super modellər ili sayılır. Bu gün ideal saydığımız bədən tiplərinin təməlləri Naomi Campbell, Elle Macpershon, Linda Evangelista, Jane Fonda kimi məşhur modellər tərəfindən atıldı. ‘Fitness’ dövrü olaraq da bilinən 80-ci illərdə uzun ayaqlar hər şeydən önəmli idi.

Naomi Campbell

   

 

1990-cı ildə Kate Moss "qurumuş qız" modeliylə bir nəslin bütün düşüncələrini alt-üst etdi. Zəif, çəlimsiz görüntü bütün gözəl vücudlu qadınları dərdə saldı. Həddindən artıq arıqlaya bilmək məharət sayılmağa başlandı. Sağlıq təşkilatları gedişatdan narahat olmağa başlamışdılar..

Kate Moss

    

 

2000-ci illərdə "sexy" anlayışı geri döndü. Giselle Bundchen qurumuş qız dəbinin sonunu gətirmişdi. Əndamlar yavaş-yavaş yenidən ortaya çıxmağa, boylar təkrar uzanmağa başladı. Britney Spears isə çox da uzun olmayan boyuna baxmayaraq sexy görünəbilinəcəyini o qədər də böyük olmayan, lakin çəkici əndamıyla sübut edirdi.

Giselle Bundchen

    

 

2010-cu illər: bu gün bildiyimiz bütün jurnallarda, TV-lərdə gördüyümüz ideal bədən tiplərindən əlavə bir də "omba dövrü" yaşanır. Nicki Minaj, Kim Kardashianda olduğu kimi təəccübləndirici ombalar, tverk rəqsinin məşhurluğu, ən populyar fitness hərəkəti olan Squat görkəmli ombaların hökmranlıq etdiyi bir dövrdə yaşadığımızı sübut edir.

Kim Kardashian

    

 

Belə başa düşülür ki, önümüzdəki illərdə də bu dəyişikliklər davam edəcək. Bu gün mükəmməl gördüyümüz vücudların sabah heç bir önəmi qalmayacaq.

Yəni "mükəmməl" vücudlara baxıb ah çəkməyə gərək yoxdur. Hədəfiniz əsla o hər yerdə gördüyünüz mükəmməl vücudlar olmasın. Özünüz üçün yalnızca bir hədəf seçin. Unutmayın ki, həyatınız boyu sahib olacağınız ən mükəmməl vücud güzgüyə baxdığınızda özünüzü ən bəyəndiyiniz halınızdır.

Hədəfiniz hər zaman sadəcə öz mükəmməliniz olsun!

 

Şəbnəm Məhərrəm
Ölkə.Az