Xaricdə təhsil alan tələbələr maddi çətinlik çəkirlər
Nail Əhməd
Varşava Sosialogiya Universitetinin tələbəsi
Devalivasiyanın xaricdə təhsil alan tələbələrə təsiri
İlk öncə onu nəzərinizə çatdırım ki, xaricdə 10 mindən çox azərbaycanlı tələbə təhsil alır.
Bunlardan 2289 nəfər tələbə isə "2007-2015 ci il Dövlət Proqramı" çərcivəsində hal hazırda təhsil alanlardır. Çox kiçik bir hissəsi isə "Soros", "Vişqred" kimi hansısa beynəlxalq fondaların təqaüdləri hesabına təhsillərini davam etdirirlər. Yerdə qalan tələbələr, bu da təxminən yetmiş faiz edir, öz şəxsi hesabına , bütün xərclərini özləri qarşılayaraq xaricdə təhsil almağa çalışırlar.
Yuxarıda qeyd etdiklərimi sinifləndirsək devalivasiyanın ən çox təsir etdiyi kateqoriya da elə xaricdə öz şəxsi hesablarına təhsil alan tələbələrdir.
Mən uzağa getmək istəmirəm, elə öz təhsil aldığım ölkədən, Polşadan danışmaq istəyirəm. Burada bir tələbənin normal yaşayışı üçün aylıq Polşa pul vahidi ilə 1500 zlot lazımdır. Bu pulu da devalivasiyadan öncə 350 manat qarşılığı alırdıqsa, indi bu məbləği konvertasiya ilə 600 manata əldə etmək mümkündür. Getdikcə dolların və avronun daha da bahalaşması xaricdə təhsil alan tələbələrin maddi imkanına ciddi şəkildə mənfi təsir göstərəcək. Bundan başqa xaricə təhsil dalınca gələnlərin sayında kəskin azalma da müşahidə ediləcək.
Hal hazırda xaricdə təhsil alanların bir hissəsinin də təhsilini yarımçıq qoyub geriyə qayıdacağı istisna olunmur .
Belə bir vəziyyətdə isə tələbələrə yaşadıqları ölkələrdə "part time" iş tapıb işləməkləri tövsiyyə olunur. Bu onların maddi durumlarını sabitləşdirə biləcək yeganə yoldur.
