Gülümsəməniz üçün
Ölkə.az mümkün olduğu qədər çox gülümsəmənin 10 vacib səbəbini diqqətinizə çatdırır:
Gülümsəmək - yalnız həyatdan zövq almanın və gözəl əhval-ruhiyyənin əlaməti deyil. Bu, həmdə bizim xoşbəxt, dostcanlı olduğumuzu, bəzən də təəssüfümüzü ifadə edir və insanları cəlb edir.
Sizin üçün gülümsəmənin qaşları çatmaqdan və qaraqabaqlıqdan yaxşı olduğunu təsdiq edən 10 sübut topladıq.
1. Ətrafın etibarını qazanmaq:
Hər kəsin özü üçün yaşadığı dunyada biz kimə güvənirik? Bəli, məhz gülümsəyənlərə. Belə insanlar bölüşməyi sevir, və hətta maliyyəçilərin fikrinə görə xeyirxah görünüş əks etdirirlər. Yorn Şarlemanın araşdırmalarına görə, gülümsəmə insanda güvən hissini 10% artırır. Misal üçün gülümsəyən şərikinin bu ifadəsini görən sahibkar daha asanlıqla müqavilə imzalayır.
2. Səhvlərimizin üstünü örtmək:
Tanışlığınızın il dönümündə sevdiyiniz insana hədiyyə almağı unutmusunuz? Vacib müştərinin və ya şərikinizin adını xatırlaya bilmirsiniz? Təsadüfən kiminsə ayağını tapdaladınız? Biz adətən belə hallarda xəfif gülümsəyirik və bu reaksiya insanlarda bizə qarşı anlayış hissinin oyanmasına səbəb olur, hansi ki, kiçik və bəzən də böyük səhvlərimizi daha tez bağışlamağa kömək edir.
3. Özünü daha yaxşı hiss etmək:
Gülümsəmə - adətən nəzakətli olmanın işarəsidir və biz bunu etməsək peşman ola bilərik. Misal üçün dostunuz o qədər də böyük olmayan endirim talonunu qazanıb, bunu şans kimi dəyərləndirə bilər. Sizsə bu fikiri bölüşmürsünüz. Bu halda gülümsəyin, çünki gülümsəmə nəzakət simvoludur.
Boston kollecinin mütəxəssisi Marianna LaFrance təcrübə aparmış və iştirakçılara insanların danışdıqları gözəl hadisələri sərt üz ifadəsi ilə dinləməyi tapşırmışdı. Gözləndiyi kimi bu insanlarda güclü narahatlıq hissi oyatdı. İnsanlarda elə təəssürat yaranmışdı ki, onlar xatirələrəni başqalarının sevincinə sevinməyi bacarmayan insanla bölüşüblər. Yeri gəlmişkən bu cür ifadə ən çox qadınları narahat edir.
4. Psixologiyada geriyə əlaqə adlanan fərziyyə var və onun mahiyyəti bundan ibarətdir:
Emosiyalar üz ifadəmizə necə təsir edirsə, üz ifadəmiz də emosiyalarımıza o cür təsir edir. Bu isə o deməkdir ki, bəzən əhvalımızı qaldırmaq və özümüzü xöşbəxt hiss etmək üçün sadəcə gülümsəmək kifayət edər.
5. Hadisələrin məğzini anlamaq:
Həyəcanlanarkən biz daha az diqqətli ola bilirik çünki yalnız nə baş verdiyini görə bilirik. Gülümsəyin. Bu sizə təkcə gözəl əhval-ruhiyyə verməyəcək, bu həm də daha diqqətli olmanıza və daha geniş düşünmənizə səbəb olacaq. Təkcə ağacı deyil meşəni də görə biləcəksiz. Araşdırmaların nəticələrinə görə diqqət testindən öncə gülümsəyən iştirakçılar testin öhdəsindən daha yaxşı gəldilər.
6. Cəlbedici görünmək:
Qadın gülüşü əks cins üzərində inanılmaz təsirə malikdir. Debra Valş və Cey Hevitt keçirdikləri təcrübə onu göstərdi ki, qadın kişi ilə yalnız göz kontaktı qurarsa, 20% hallarda ona yaxınlaşır. Eyni zamanda gülümsəyərsə, bu ehtimal 60%-ə qədər qalxır.
Beləliklə gülümsəmə qadını daha cəlbedici göstərir. Bunun kişilərə də aid edilməsinin mümkün olub-olmaması isə sual altındadır. Bəzi mütəxəssislərin fikrincə kişi nə qədər az gülümsəyirsə, bu onu bir o qədər cəsarətli göstərir. Bəzən qadınları kişilərdə xöşbəxt gülümsəmədən çox qürür və utancaqlıq ifadə edən görünüş daha çox cəlb edir.
7. Fikirlərimizi gizlətmək:
Hərdən gülümsəmə sayəsində kədərli fikirlərimizi pis əhval-ruhiyyəmizi, hətta söhbəti və ya həmsöhbətimizi bəyənmədiyimizi gizlətməyə çalışırıq. Əksər psixoloqlar əmindirlər ki, səmimi gülüş heç vaxt yalan demir, onu necə seçə bilərik? Saxta gülüş zamanı yalnız dodaqların kənarı, səmimi gülüş zamanı isə həmdə gözün kənarları dartılır. (bəzi araşdırmalar gülüşü ümumiyyətlə saxtalaşdırmanın mümkün olduğunu şüphə altında qoyur). Xəfif gülümsəmə isə daha çox cəlbedici hesab olunur.
8. Pul qazanmaq:
Keti Tidd və Con Lokard hələ 1978-ci ildə müəyyən etmişlər ki, gülümsəyən ofisiantlara digərlərinə nisbətən daha çox çay pulu qoyulur. İnsanlarla ünsiyyət tələb edən işlərdə (misal olaraq otel, restoran, hava yolları, əyləncə) müştərilərlə ünsiyyət zamanı müəyyən edilmiş emosiyalarla işləmək tapşırılır. Psixoloqlar bunu emosional çətinlik adlandırırlar və xəbərdarlıq edirlər ki, davamlı olaraq hiss etmədiyin emosiyanı göstərmək insanda yorğunluq hissi yaradır.
9. Bütün dunyanın gülümsəməsi:
Yəqin hər kəs bu ifadəni eşidib. «Gülümsə və bütün dünya səninlə birlikdə gülümsəyəcək. Ağlasan əgər, yalnız təklikdə ağlayacaqsan». «Bütün dunya» sözü bəlkə də burada böyüdülümüşdür. Amma Berlin Hinz və Yudit Tomhevin araşdırmaları hələ bir əsr öncə sübut etmişdir ki, bu söz öz mənasını itirmir.
10. Əgər qeyd olunan araşdırmaların biri də sizi gülümsəməyə vadar etmədisə, o zaman onun sağlamlıq haqqda olan xeyirlərindən xəbərdar olun:
Gülmək ömürü uzadır: 1952-ci ildə bir beysbol komandasının şəkli çəkilmişdir. Şəkildə gülümsəyən idmançılar yoldaşlarından 7 il çox yaşamışdılar. Bu gülümsəmək üçün səbəb deyilmi?
