Eyni paltarı geyinən varlılar
Milyarder olsa da, sadə həyat tərzi ilə seçilən “Facebook”un sahibi Mark Zukerberq növbəti dəfə gündəmə çevrilə bilib.
Ölkə.Az axşam.az-a istinadən xəbər verir ki, milyarder ötən gün sosial şəbəkədə qarderobunun fotosunu paylaşaraq “Valideyn məzuniyyətindən sonra ilk gün. Nə geyinim?” sözlərini yazıb. Maraqlısı isə, Markın geyimlərinin eyni rəng və formada olması olub. Qarderobunda oxşar geyimlərdən başqa heç nə olmayan milyarder istifadəçilərin zarafatı ilə də üzləşib.
Yeri gəlmişkən, M.Zukerberq illərdir eyni paltarı geyinən yeganə varlı deyil. “Apple”ın banisi Stiv Cobs, yazıçı Fran Lebovits, ixtiraçı Din Keymen hər zaman eyni stildə geyinən məşhurlardandır.
