Əri öldürmək, gəlinin üzünə tüpürmək: xalqların qəribə adətləri

Hər xalqın öz adət-ənənəsinin olduğunu hamı bilir. Amma onların arasında elələri var ki öz adət-ənənələri ilə sözün əsil mənasında tük ürpərdirlər. Bu ənənələlər bizim üçün nə qədər inanılmaz görünsə də, mövcuddur və indinin özündə də tətbiq edilməkdədir.

Beləliklə, Ölkə.az dünya xalqlarından bəzilərinin ağlasığmaz və maraqlı adətlərini oxucularına təqdim edir.

Madaqaskar adasının sakinləri hər 7 ildən bir ölmüş qohumlarını qəbirdən çıxarırlar. Sonra həmin şəxsin nəşi ətrafında xüsusi rəqs və retuallar düzənlənir. Ən sonda isə "qəhrəman"ı kəfənə büküb yenidən "mənzilinə" yola salırlar.

Braziliyada yaşayan Yonamana qəbiləsinin də qəribə adəti ölülərlə bağlıdır. Belə ki, Yonama camaatı ölüləri yandırdıqdan sonra külünü ailə üzvləri arasında bölüşdürərək, yeyirlər.

Qrenlandiyadakı Eskimos tayfalarının adətləri də ölümlə bağlıdır. Onlar yaşlanmış valideynlərini uzaq bir yerə apararaq, oradaca tərk edirlər. Qocalar burada aclıqdan və soyuqdan donaraq ölürlər.

Haqqında bəhs edəcəyimiz növbəti ənənə isə toyla bağlıdır. Keniyanın Massai qəbiləsində ərə getmiş elə bir qız yoxdur ki, atası toy günü onun üzünə tüpürməsin. Toy günü qızının üzünə tüpürməmiş ata günaha batmış kimi sayılır. Məsələyə Azərbaycansayağı prizmadan yanaşsaq, Massaidə qızının üzünə tüpürməmiş ata, cehiz verməmiş kimi sayılır. Qəbilə üzvləri belə düşünürlər ki, körpə doğulduğu zaman da bunu etmək lazımdır. Bir sözlə, bu qəbilənin işi tüpürcəksiz keçmir.

Hindistanın şimal-şərqində məskunlaşan Apatani qəbiləsində gözəl qadınları müxtəlif vasitələrlə eybəcərləşdirirlər ki, düşmən qəbilələrin diqqətini çəkməsin. Eybəcərləşdirmə prosesinin ən geniş yayılmış növü isə burunun böyüdülməsi hesab edilir. Onlar gənc yaşlarından həmin qızların burnuna taxtadan olan xüsusi "cihaz" yerləşdirirlər və illər keçdikcə həmin "cihaz" da böyüdülür.

Şimali Koreyada isə qeyri-adi qaydalar tükənmək bilmir. Məsələn, bu ölkədə 24 yaşlı xanım, 26 yaşlı bəy ailə qurmaq hüququna malik deyil. Bunun üçün qızların ən azı 25, oğlanların 27 yaşı tamam olmalıdır. Ancaq insafən qeyd etmək lazımdır ki, bizim bəzi bölgələrdə "17 yaşı varsa, qız evdə qalıb" psixologiyası ilə müqayisədə daha münasib qanundur.

Honq Konqda isə bir çox qadınların ürəyincə ola biləcək qanun tədbiq edilməkdədir. Burada qadın ona xəyanət etmiş ərini öldürmək hüququna malikdir. Yalnız bir şərtlə ki, arvad ərini heç bir alətdən istifadə etmədən, yalın əlləri ilə öldürə bilsin. Əgər qadın ərini öldürmək istəməsə, bu zaman kişi fiziki işlərlə məşğul olacağı düşərgəyə yollanmalıdır.

Misirlilərin soyadları olmur, lakin onların dörd adı ola bilər: bir insanın adına onun atasının, babasının və ulu babasının adları əlavə olunur. Bir ailədə ilk uşaq olanda onun anasını uşağın adı ilə adlandırırlar, məsələn Umm Məhəmməd (Məhəmmədin anası), atasını isə Abu Məhəmməd (Məhəmmədin atası) olaraq adlandırırlar. Əgər ailədə bir neçə uşaq varsa, valideynləri böyük övladın adı ilə çağırırlar.