Yeni "iPhone" smartfonlarının çıxış tarixi dəqiqləşdi
"iPhone 5SE" smartfonunun bu tarixdə təqdim ediləcəyi gözlənilir
Ölkə.Az xəbər verir ki, "iPhone 5SE" bir neçə yeni "Apple" məhsulu ilə birlikdə 22 mart tarixində təqdim ediləcək. Təqdimatın 15 mart 2016-cı ildə gözlənilməsinə baxmayaraq "Re/code" ilə danışan mənbələr tədbirin 22 mart tarixində baş tutacağını bildiriblər.
Tədbirdə 4 düyümlük "iPhone 5SE" ilə yanaşı yeni "iPad" və yeni "Apple Watch" məhsullarının təqdim edilməsi də gözlənilir.
Mənbə həmçinin iddia edib ki, indiyə qədər "iPhone 5SE" adı ilə təqdim ediləcəyi hər yerdə danışılan 4 düyümlük yeni smartfonun adı fərqli də ola bilər. Belə ki, digər iddiaya görə "iPhone 5SE" adındakı "5"-in lazımsız olduğunu düşünən "Apple" şirkəti "iPhone SE" adı ilə də gələ bilər.
"SE" adının "special edition" yəni "xüsusi buraxılış"mənasına gəldiyi və "iPhone SE" adının daha ağlabatan və gözəl səsləndiyi də iddialar arasında yer alır.
