Di Kaprio “Oskar”ı restoranda unutdu
Fevralın 28-də “Sağ qalan” filmində yaratdığı rola görə “Ən yaxşı kişi rolu” nominasiyasında “Oskar”ı qazanan Aktyor Leonardo Di Kaprio öz mükafatını restoranda unudub.
Ölkə.Az xəbər verir ki, bu barədə TMZ məlumat yayıb. "TMZ"-nin müxbiri “Oskar” gecəsi əyləncəsini çəkməyə nail olub.
Di Kaprio həmkarları ilə birlikdə Los-Ancelesdə restoranlardan birində uğurunu qeyd edib. Əyləncədən sonra aktyor küçəyə çıxıb və avtomobilinə doğru gedərkən restorandan əlində "Oscar" tutmuş bir nəfər qaçaraq onun yanına gəlib.
“Siz bunu özünüzlə götürmək istəyirsiniz?”, - deyə “Oskar”ı göstərərək Di Kapriodan soruşub.
“Deniyə ver”, - deyə aktyor cavab verib. Mükafat aktyoru müşayiət edən adamlardan birinə verilib. Di Kaprio isə digər dostunun əlindən içki şüşəsini alıb.
“BangShowBiz”un məlumatına görə, qonaqlar restoranda Di Kaprionun “Oskar”ını bir-birinə ötürərək “Canavar dəstəsi, canavar dəstəsi!” deyiblər.
Aktyorun mükafatı Twitter-də rekord vurub. Onun adı çəkildikdən sonra istifadəçilər 1 dəqiqə ərzində 440 min tweet yazıblar.
