Şirniyyat aludəçiliyinə son qoyacaq 8 məsləhət
Xanımların əksəriyyəti artıq çəkidən şikayətlənir. Bunun səbəbini yedikləri şirniyyatda görənlər də az deyil. Bu sevgiyə isə son qoymaq bəziləri üçün heç də asan deyil.
Ölkə.Az axşam.az-a istinadən şirniyyat aludəçiliyini aradan qaldıracaq 8 məsləhət təqdim edir:
1. Günə səhər yeməyi olmadan başlamayın
Gün ərzində qan şəkərini normada saxlamaq və şəkər ehtiyacını ən aza endirmək üçün səhər yeməyi mütləqdir. Bütün gecə boyunca qan şəkəri aşağı düşür, səhər yeməyində isə yenidən normaya qalxır. Buna görə də pendir və yumurta ilə bol olan yeməklər qəbul edin.
2. Nahar mütləqdir
Tez-tez və az-az yemək qandakı şəkərin qaydasında olması üçün önəmlidir. Günorta yeməyini gecikdirərkən qandakı şəkər aşağı düşür və ürəyiniz çoxlu şirniyyat yemək istəyir. Hər 2,5-3 saatdan bir nəsə yemək şirniyyat istəyini aradan qaldıracaq.
3. Meyvəni qaydasında yeyin
Meyvə şirələrinin tərkibində hər zaman şəkər olur. Buna görə də meyvənin özünü yeyin. Amma meyvəni də tək yemək olmaz. Onu süd, qatıq, qoz, badam və başqa qida ilə birlikdə yemək daha düzgündür.
4. Şirniyyat istəyinizi sağlam qidalarla aradan qaldırın
Aparılan araşdırmalar sübut edib ki, ağ və ya südlü şokolad yerinə tərkibində 70-80faiz kakao olanından yemək daha xeyirlidir. Bu orqanizminizin şəkər istəyini ciddi aşağı salacaq. Bal, cem əvəzinə quru meyvə yeyin.
5. Yeməklərə ədviyyatlar tökün
Darçın, keşniş toxumu, mixək, kokos və digər ədviyyatlar yeməklərinizə fərqli dadlar verəcək. Gecə yatmazdan əvvəl içəcəyini 1 stəkan darçınlı süd qan şəkərini qaydasında saxlayacaq.
6. Qidaların tərkibini mütləq oxuyun
Aldığınız ərzaqların tərkibini mütləq oxuyun. Siyahı nə qədər uzun olarsa, tərkibindəki şəkər də bir o qədər çox olar. 1 çay qaşığından az şəkəri olan qidaları seçin.
7. Dadlandırıcı istifadəsinə diqqət
Dadlandırıcı maddələr şəkər yerinə tez-tez istifadə olunur. Bunun miqdarı önəmlidir. Hər gün dadlandırıcıdan istifadə etmək şirniyyat istəyini çoxalda bilər.
8. Çox yatın
Az yatmaq bədənin insulinini aşağı salır, stress yaradır. Lazımı qədər yuxu almaq bədənin artıq çəki almasına, gecəyarısı yemək istəyinə mane olur.
