Bu ölkədə "Whatsapp"a qadağa qoyuldu
Braziliyada mesajlaşma tətbiqi "Whatsapp" 72 saatlıq istifadəyə bağlanılıb.
Ölkə.az xəbər verir ki, Braziliya mətbuatında yer alan xəbərlərə görə, ölkənin şimal-şərqindəki Sergipe əyalətində Marcel Maia Montalvao adlı hakim mesajlaşma platformasının bütün ölkədə bu gün səhərdən etibarən 72 saat müddətinə dayandırılmasını tələb edib.
Braziliyada 1 mart 2016-cı il tarixində "Facebook"un Latın Amerikası üzrə sədr müavini olan Argentine Dieqo Dzodan "Facebook"a aid mesajlaşma xidməti "Whatsapp"dakı istifadəçi məlumatlarını Braziliya polis orqanlarına verməkdən imtina etdiyi üçün həbs olunmuşdu. Mütəşəkkil cinayətlər və narkotik alverinə bağlı gizli bir istintaq qərarına tabe olmamaqla günahlandıran Dzodan bir gün sonra sərbəst buraxılıb.
Qeyd edək ki, ötən ilin dekabr ayında Braziliyada başqa bir hakim də bir istifadəçinin məlumatlarını tələb etdikləri halda "Whatsapp"dan rədd cavabı aldıqları üçünmesajlaşma platformasının girişinə qadağa qoydurmuşdu.
