“WhatsApp”dan PC üçün yenilik
“WhatsApp” PC üçün mesencer proqramının müştəri proqramını istifadəyə verdi.
Ölkə.Az xəbər verir ki, bu barədə şirkətin bloqunda məlumat yayılıb.
Destkop üçün müştəri proqramı “Windows 8” və daha yeni versiyalar, eləcə də Mac OS 10.9+ üçün işlək olacaq. O, mesencerin mobil proqramı ilə avtomatik sinxronlaşdırılacaq.
Bunun üçün whatsapp.com saytına daxil olaraq müvafiq proqramı yükləmək lazımdır.
“WhatsApp”-ın yeni versiyasını bu link vasitəsilə yükləyə bilərsiniz.
Proqramı şirkətin rəsmi saytında əldə etmək olar. Yüklənmiş proqramı açaraq, mesencerin artıq yükləndiyi smartfon vasitəsilə QR-şifrəni skan etmək lazımdır. Proqramın destcop versiyasında bildirişlər və qaynar düymələrin dəstəklənməsi əvvəlki kimi qalacaq.
Qeyd edək ki, 15 ay əvvəl də istifadəçilər kompüterdə web.whatsapp.com saytına daxil olaraq “WhatsApp”dan yararlana bilərdilər.
Xatırladaq ki, dünyada ən çox istifadəçiyə malik olan sosial şəbəkə “Facebook” “WhatsApp” messencerini alıb. Şirkət rəhbərliyi bunun üçün 19 milyard dollar verib.
Hazırda “WhatsApp” istifadəçilərinin sayı bir milyardı keçib.
