Avtomobillərin üstü ilə hərəkət edən avtobus hazırlanır

Ölkə.Az xəbər verir ki, Çinin şimalında yerləşən Xebey əyalətində hiperbas adlanan yeni nəqliyyat növünün sınaqlarına hazırlıq gedir.

Şəhər yollarında nəqliyyat axınının üstü ilə hərəkət etməsi nəzərdə tutulan hiperbus şəhərlərdə tıxac probleminin aradan qaldırılmasına kömək edəcək.

Nəqliyyat vasitəsi avtomobillər üçün nəzərdə tutulmuş yolların kənarı ilə salınmış relslərin üzəri ilə hərəkət edəcək. Yeni nəqliyyat növünü eni iki avtomobil zolağının eni qədər, uzunluğu 32 metr olacaq. Hiperbusun elektrik enerjisi ilə işlədiyi bildirilir. Hiperbus bir reysində mindən çox sərnişin daşıya biləcək. Sərnişinlər salona xüsusi traplar vasitəsi ilə qalxacaq.

Hiperbusun 2016-cı ilin ikinci yarısında istifadəyə verilməsi nəzərdə tutulur.

İlhamə
Ölkə.Az