Dünyada ilk telefon robotların satışına başlanılıb
"RoBoFon" adlanan yeni telefonlar söhbət və rəqs edə bilirlər.
Bu barədə Ölkə.Az "RİA Novosti" agentliyinə istinadən məlumat verir.
Məlumatda deyilir ki, ilk gün satışa çıxarılan 1000 ədəd "RoBoFon"ların hamısı satılıb.
"Bu gündən Yaponiyada 200-dən çox mağazada bu telefonlar satışa çıxarılacaq. İlk partiya ilkin bron əsasında satılıb. Bu günü "RoBoFo"nun doğum günü elan edirik",- deyə Sharp korporasiyasının Kommunikativ Robotlar Mərkəzinin direktoru Sinsuke Yamamoto bildirib.
"RoBoFon" smartfonların bütün funksiyalarını həyata keçirə bilər. O insana bənzər robotdur, yeriyir, gülür, mahnı oxuyur və rəqs edir. Qiyməti $1800 təşkil edir, istehsalçılar stabil tələbat əsasında ayda 5 min cihazın satılacağını düşünürlər.
Daha əvvəl Baker & Hostetler vəkil bürosunun İBM şirkəti tərəfindən hazırlanmış robot vəkili işə aldığı xəbər verilmişdi.
İlhamə
Ölkə.Az
