Ağrı hiss edə biləcək robotlar yaradılır

Alman alimləri ağrını hiss edən robotlar yaradırlar

Ölkə.Az bildirir ki, almaniyalı həkimlər robotlara ağrını hiss etməyi öyrətmək üçün süni sisnir sistemi işləyib hazırlayırlar.

Süni sisnir sistemi robotlara öz sistemlərindəki texniki nasazlığı və yaranacaq potensial təhlükəni müəyyən etmək imkanı verəcək. Bu həm də robot texnikası ilə işləyən insanların təhlükəsizliyinə xidmət edəcək.

Hannoverdə yerləşən Leybnits Universitetinin alimləri bu sistemi insan ağrılarının araşdırılmasının verdiyi nəticələr əsasında hazırlamaq niyyətindədirlər. Alimlər nümunə olaraq robotun "əlini" temperatur dəyişməsi və ona edilən təzyiqin dərəcəsini hiss edən reseptorlarla təmin ediblər. İnsan ağrılarını ötürən neyronlar kimi süni sinirlər də robota yüngül, orta və ağır dərəcəli ağrı siqnalları ötürəcək və robot özü bu informasiyanı emal edəcək.

Alimlər bildirirlər ki, ağrı canlıları qoruyan sistemdir. Ağrı yaradan mənbədən uzaqlaşarkən özümüzə zərər verilməsinin qarşısını almış oluruq. Robotlar da eyni sistem üzrə hərəkət edəcək.

Sinir iflici keçirən insanların bədəninin ağrı mənbəyinə reaksiya verməməsi səbəbi ilə daha çox zədələndikləri elmə məlumdur. Çünki onların bədəni ağrı mənbəyinə lazımi cavab verə bilmir.

İlhamə
Ölkə.Az