Alimlər döş xərçənginin yaranma səbəbini tapıblar

Britaniyalı alimlər döş xərçəngini nəzarət altına almaq yolunda ciddi addım atıblar

Yəqin döş xərçənginin inkişaf etməsinin qarşısını almaq üçün süd vəzilərini kəsdirməyə məcbur olan Ancelina Colinin nümunəsində artıq hamı bu qorxunc bəlanın genetik yolla keçdiyini bilir. Lakin alimlər təsəlli verirlər: Bu prosesi nəzarətə almaq yolunda ciddi addımlar atılır.

"Nature" jurnalı süd vəzi xərçənginin araşdırmaları ilə məşğul olan "Cancer Research" Britaniya şirkətinin tədqiqatlarının nəticəsini dərc edib.

Təcrübələr zamanı 560 xəstə nəzarətə götürülüb. Onlardan dördü kişidir. Təəssüflə demək lazımdır ki, güclü cinsin nümayəndələri də döş vəzi xərçənginə tutulurlar. Həkimlər döş xərçənginin inkişafına səbəb olacaq bütün genetik xətaları aşkarladıqlarını iddia edirlər.

Biz gələcəkdə hər bir pasiyentdə xərçəng şişinin fərdi genomunun müəyyənləşdirməyə ümid edirik. Bu daha səmərəli müalicə üsulu seçməyə kömək edəcək", deyə tədqiqatlara rəhbərlik edən alim Serena Nik-Zaynal bildirib.

İlhamə
Ölkə.Az