Tarixə adını qanla yazan İosif Stalin haqqında bilmədiyiniz
Bu qanlı Sovet liderinin adı XX əsrə öz damğasını vurub. Onun haqqında bilinməyən bəzi həqiqətləri diqqətinizə çatdırırıq:
1. Stalin rus deyildi
Kənddə böyümüş bu gürcü balasının əsl adı İosif Vissarionoviç Cuğaşvili idi.
2. Çox çətin bir uşaqlıq dövrü keçirib
7 yaşında keçirdiyi çiçək xəstəliyi nəticəsində üzündə və qollarında çopurları var idi. Buna görə də həmyaşıdları ondan uzaq gəzir, lağ edirdilər.
3. Oğlu faşistlərə əsir düşmüşdü
Faşistlər Stalinin oğlu Yakobun əvəzində əsir düşmüş alman generallarından birini tələb edə biləcəklərini düşünürdülər. Lakin Stalin əsir dəyişdirilməsi ilə bağlı göndərilən alman elçilərə belə cavab vermişdi: "Bir sıravi əsgər generalla dəyişdirilə bilməz". Bundan sonra onun oğlu almanlar tərəfindən güllələnmişdi.
4. Stalin 20 milyona yaxın insanın ölümünə səbəb olub
5. İnsan və meymun qarışımı olan bir canlı yaratmaq istəyirdi
Yaşadığı dövrdə bir Sovet qəzetinə verdiyi müsahibəsində yeni bir insan növünün yaradılmasının istədiyini qeyd etmişdi: "Yeni və məğlubedilməz insan yaradılmasını istəyirəm. Yediyi yeməklərdən asılı olmayaraq, hər zaman güclü qalan insan növü". Stalinin alimlərə insan və meymunun törəməsi olan yeni bir canlı növü yaratmaq haqqında əmr verməsi də gizli bilgilər arasındadır.
Bu məsələ bir müddət Siyasi Büronun gündəmini zəbt edib. "Meymunlar cəhənnəmi" filmindəki meymunlardan birinə Koba adı təsadüfən verilməyib. Gənclik illərində Stalinin inqilabçı təxəllüsü Koba idi.
6. Döyüşlərdə əsgərlərini qurban verməyə çəkinmirdi
Böyük düşmən qoşunlarının irəliləməməsi üçün əsgərlərinə geri çəkilməməyi, geri çəkilənləri yerində vurmağı əmr etmişdi.
7. Ən önəmli sərgərdəsini müharibə bitən kimi sürgünə göndərib
Heç bir döyüşdə məğlub olmamış dahi sərgərdə, Marşal Jukovu sürgünə göndərmə səbəbi onun bir xalq qəhrəmanına çevrilib, xalq sevgisini qazanmasından qorxması idi.
8. Əgər Hitler intihar etməsəydi Stalin onu bir qəfəsə qoyub bütün Avropanı gəzdirəcəyini vəd etmişdi
Rus ordusunun Berlinə girdiyini öyrənən Hitler sığınacağında həyat yoldaşıyla birlikdə intihar etmişdi.
9. Stalin gəncliyində dini təhsil almasına baxmayaraq hakimiyyətə gəldikdən sonra minlərlə din adamını öldürtmüşdü
10. Boyu çox qısa idi-162 sm
Postdam konfransından sonra ABŞ prezidenti Truman onu "balaca şeytan" adlandırdı.
11. Əmək düşərgələrində 1 milyona yaxın insanın ölümünə səbəb olub
Rejim düşməni olaraq gördüyü hər vətəndaşı Sibirə sürgün etdirirdi.
12. Stalin hakimiyyətə keçəndə Lenin can verirdi
Lenin öz vəsiyyətində "Yoldaş Stalin önəmli bir güc qazandı, lakin onun bu gücdən düzgün istifadə edəcəyinə əmin deyiləm " deyə yazmışdı.
İlhamə
Ölkə.Az
